جائیداد کا لالچ، بیٹے نے باپ کو سانپ سے ڈسوا دیا
Stay tuned with 24 News HD Android App
(ملک عبدالرشید ) دنیا کی حوس نے خون کو سفید سے سفاک بنا ڈالا، بہاولپور کی تحصیل حاصل پو ر میں بیٹے نے جائیداد کے تنازع پر باپ کو عبرتناک سزا دے دی ۔
تفصیلات کے مطابق جائیداد کے لالچ نے بیٹے کو اندھا کردیا حاصل پور کے نواحی علاقے 71 فتح میں دل دہلا دینے والا واقعہ جہاں جائیداد کے لالچ میں بیٹے نے سنگین اقدام اٹھاتے ہوئے اپنے ہی باپ کو چارپائی پر باندھ کر سانپ سے ڈسواتا رہا ریسکیو ذرائع کے مطابق متاثرہ شخص کی حالت سانپ کے کاٹنے سے غیر ہوگئی جبکہ ظالم بیٹا موقع سے فرار ہو گیا،متاثرہ شخص کو ابتدائی طبی امداد کے بعد تحصیل ہیڈ کوارٹر منتقل کیا گیا جبکہ پولیس تھانہ صدر نے کاروائی شروع کر دی ۔
ریسکیو ذرائع کے مطابق باپ اور بیٹے کے درمیان جائیداد کے تنازعے پر جھگڑا ہوا جس کے بعد بیٹے نے یہ سنگین قدم اٹھایا پولیس ملزم کی گرفتاری کیلئے متحرک جبکہ متاثرہ شخص کا تحصیل ہیڈ کوارٹر ہسپتال حاصل پور میں علاج جاری ہے۔