(مانیٹرنگ ڈیسک)بھارتی ریاست مدھیا پردیش میں ریلوے ٹریک پر خود کشی کرنے والی خاتون کو رکشہ ڈرائیور نے بچالیا جس کی ویڈیو وائرل ہو گئی۔
تفصیلات کے مطابق سوشل میڈیا پلیٹ فارمز پر بھارت کا ایک ویڈیو کلپ شیئر کیا جارہا ہے جس میں دیکھا جاسکتا ہے کہ ایک خاتون ریلوے ٹریک پر نیلے رنگ کا سوٹ پہنے اور منہ پر سفید رنگ کے دوپٹے کا حجاب لگائے ریل کے آنے کا انتظار کررہی ہیں۔
ٹرین کے قریب آتے ہی خاتون کو خودکشی کے لیے پٹری پر جاتے دیکھا جاسکتا ہے لیکن ایک رکشہ ڈرائیور فوری طور پر خاتون کو ایسا کرنے سے روک لیتا ہے۔
ویڈیو میں دیکھا جاسکتا ہے کہ رکشہ ڈرائیور خاتون کو پکڑ کر ریلوے ٹریک سے باہر کی جانب لے آیا جس دوران کئی اور لوگ بھی جمع ہوگئے،روکنے کے باوجود خاتون ریل کے آگے آنے کی کوشش کرتی رہیں لیکن وہاں موجود چند لوگوں نے خاتون کی خودکشی کی کوشش کو ناکام بنادیا۔
یہ بھی پڑھیں: شمائلہ اور حسام کے درمیان 10 برس بعد طلاق