(مانیٹر نگ ڈیسک)ایک میگزین کو دئیے گئے انٹرویو میں پہلی مرتبہ اداکارہ عتیقہ اوڈھو نے اپنے کیریئر، شوبز انڈسٹری کے حالات اور اپنی شادیوں اور معاشقوں کے بارے میں کھل کر باتیں کیں۔
تفصیلات کےمطابق اداکارہ عتیقہ اوڈھو نے انکشاف کیا کہ وہ تیسری شادی پر نکاح کے وقت نواسہ گود میں لیے بیٹھی تھیں اور ان کی شادی میں ان کے شوہر کے بچوں اور نواسوں اور پوتوں نے بھی شرکت کی تھی۔ایک سوال کے جوا ب میں انہوں نے جواب دیا کہ بیرون ملک سے ڈیزائنگ کی تعلیم حاصل کر رکھی تھی، پاکستان ٹیلی وژن کے لیے اسٹائلسٹ کے طور پر کام سے کیریئر کا آغاز کیا۔ وہ پس پردہ ٹی وی منصوبوں پر کام کرتے کرتے اچانک اداکارہ بنیں اور ابتدائی طور پر انہوں نے ماڈلنگ کی۔ پہلی شادی طلاق پر ختم ہونے اور اپنے ہاں دو بچوں کی پیدائش کے بعد اداکاری کا آغاز کیا، کیوں کہ اس وقت انہیں بچوں کی پرورش کے لیے مالی معاونت کی ضرورت تھی۔ پہلے ہی ڈرامے ’ستارہ اور مہرالنسا‘ میں ستارہ کا کردار ادا کرنے سے شہرت ملی اور ایک دم سے ان کی زندگی تبدیل ہوگئی جس کےبعد جلد ہی فلموں میں کام کی پیش کش ہوئی اور انہیں ٹی وی کے ساتھی اداکاروں نے بھی بڑے پردے پر کام کرنے سے روکا مگر انہوں نے کسی کی بات نہیں سنی۔
سینئر اداکارہ کے مطابق پہلی شادی کی ناکامی کے بعد انہوں نے اپنی ہی مرضی سے دوسری شادی کی مگر کامیاب نہ ہوسکی اور ان کی دونوں شادیاں طلاق پر ختم ہوئیں۔ تمام شادیاں پسند اور پیار سے کیں۔ دو ناکامیوں کے بعد تیسری مرتبہ زائد العمری میں شادی کرنے کا فیصلہ کیا اور انہوں نے تیسرے شوہر ثمر علی خان کو خود شادی کی پیش کش کی تھی۔
عتیقہ اوڈھو نے کہا کہ انہوں نے اور ثمر علی خان نے خاموشی سے نکاح کا فیصلہ کیا تھا لیکن جب انہوں نے اپنے بچوں کو بات بتائی تو سب نے کہا کہ شادی کی تقریب منعقد کی جائے۔ شادی میں ان کے شوہر اور ان کے بچوں سمیت ان کے نواسوں اور شوہر کے بچوں اور ان کے بچوں نے بھی شرکت کی۔
عتیقہ اوڈھو نے بتایا کہ وہ نکاح کے وقت اپنی گود میں نواسے کو لے کر بیٹھی تھیں، جس پر کئی لوگ حیران ہونے سمیت خوش بھی ہوئے۔
یا د رہے کہ عتیقہ اوڈھو نے پاکستان تحریک انصاف کے بانی رکن ثمر علی خان سے جون 2012 میں شادی کی تھی، ان کے شوہر 2013 سے 2018 تک رکن سندھ اسمبلی رہ چکے ہیں۔عتیقہ اوڈھو کے پہلے اور دوسرے شوہر سے بچے ہیں اور 2012 میں تیسری شادی کے وقت نانی اور بعد ازاں دادی بن چکی تھیں۔
یہ بھی پڑھیں:آنجہانی اداکارسشانت کی گرل فرینڈ ریا چکرورتی کو بگ باس کی تاریخ کی سب سے بڑی آفر