لیاری: گھر میں آتشزدگی، میاں بیوی اور بچے جُھلس گئے

(دانیال سید، کراچی) لیاری میں گھر میں آتشزدگی کے نتیجے میں میاں بیوی اور چار بچے جھلس کر زخمی ہوگئے۔ زخمی ماں کی حالت تشویشناک بتائی گئی ہے۔

تفصیلات کے مطابق سول ہسپتال کے برنس سینٹر میں تمام زخمیوں کو طبی امداد فراہم کی جارہی ہے۔ پولیس کے مطابق رات سے گھر میں گیس کا اخراج ہو رہا تھا۔ صبح گھر میں خاتون نے چولہا جلایا تو دھماکا ہوا اور آگ بھڑک اٹھی۔

یہ بھی پڑھیے: سرکاری افسر کے گھر پر ڈکیتی، ڈاکو کروڑوں کی رقم اور زیورات لے اُڑے

ہسپتال حکام کے مطابق زخمیوں میں 40 سالہ عارف، 35 سالہ خاتون سمیرا، 12 سالہ ایان، 11 سالہ ایمان، 13 سالہ اریبہ اور 2 سالہ عنایا شامل ہیں۔ زخمی خاتون سمیرا کی حالت انتہائی تشویشناک ہے۔

حکام کا کہنا ہے کہ سمیرا 95 فیصد تک جھلس جل چکی ہیں۔ 40 سالہ عارف بھی 60 فیصد جھلس چکا ہے تاہم چاروں بچوں کی حالت خطرے سے باہر ہے۔ پولیس کا کہنا ہے کہ آگ گھر میں گیس کے اخراج سے لگی۔