(ویب ڈیسک) آذربائیجان نے نگورنو کاراباخ حکومت کے ایک سابق وزیرکو حراست میں لیا ہے۔
غیرملکی میڈیا رپورٹ کے مطابق روبن وردانیان ناگورنو کاراباخ جمہوریہ کے وزیر مملکت رہ چکے ہیں، ان کو اس وقت حراست میں لے لیا گیا جب وہ بدھ کی صبح سرحد عبور کرکے آرمینیا میں داخل ہونے کی کوشش کر رہے تھے۔
روبن وردانیان نے 2022ء میں خود ساختہ ناگورنو کاراباخ جمہوریہ میں منتقل ہونے سے پہلے روس میں سرمایہ کاری کی، جہاں انہیں وزیر مملکت مقرر کیا گیا۔ انہیں فروری 2023ء میں برطرف کردیا گیا تھا لیکن وہ خطے کی ایک نمایاں شخصیت رہے، جسے بہت سے آرمینیائی آرٹسخ کہتے ہیں۔
ان کی اہلیہ ویرونیکا زونا بینڈ نے ایک بیان میں ان کی گرفتاری کی تصدیق کرتے ہوئے کہا کہ میرے شوہر، روبن وردانیان کو آذربائیجانی حکام نے آج صبح آذربائیجان کے قبضے سے فرار ہونے والے ہزاروں آرمینیائی باشندوں کے ساتھ سرحد پر گرفتار کرلیا ہے۔
یہ بھی پڑھیے: ہٹلر یہودیوں کو قتل نہیں کرنا چاہتا تھا، ایک مسلمان رہنما نے آمادہ کیا، اسرائیلی وزیر اعظم
گرفتاری سے قبل گزشتہ ہفتے گارڈین کے ساتھ ایک انٹرویو میں روبن وردانیان نے کہا کہ وہ جانتے ہیں کہ جب گزشتہ ہفتے جنگ شروع ہوئی تو وہ آذربائیجانی افواج کا نشانہ بنیں گے۔ انہوں نے کہا کہ یہ زندگی ہے اگر آپ اپنے ملک کیلئے مرنے کو تیار ہیں، تو یہ ٹھیک ہے۔ یہ برا ہے لیکن اگر آپ کوئی اہم کام کر رہے ہیں تو اس کیلئے آپ کو تیار رہنا ہوگا، مجھے یہ معلوم تھا کہانی کا اختتام بہت برا ہوسکتا ہے اور میں پہلے دن اس کیلئے تیار تھا۔ جب آذربائیجان کی افواج دیہاتوں اور قصبوں میں منتقل ہوچکی ہے، کاراباخ کی 40 فیصد سے زیادہ آبادی صرف 72 گھنٹوں میں نقل مکانی کر چکی ہے۔ آذربائیجان کی فوجی مارٹاکرٹ قصبے میں داخل ہوئے، یہ پہلی بڑی بستی ہے جس پر حملہ شروع ہونے کے بعد سے قبضہ کیا گیا ہے۔
ایسا لگتا تھا کہ زیادہ تر آبادی فوجیوں کے پہنچنے سے پہلے ہی بھاگ گئی تھی۔ روبن وردانیان نے آذربائیجان کے صدر الہام علییف پر ناگورنو کاراباخ میں آرمینیائی باشندوں کیخلاف نسلی صفائی کی مہم شروع کرنے کا الزام عائد کیا تھا اور آذربائیجان کیخلاف پابندیوں کا مطالبہ کیا تھا۔