نیویارک: مسلسل بارشیں، سیلابی صورتحال کے بعد ایمرجنسی نافذ

(24 نیوز) امریکی ریاست نیویارک میں مسلسل بارشوں نے تباہی مچادی، نظام زندگی بری طرح متاثر، سیلابی ریلوں کی وارننگ کے بعد ریاست میں ایمرجنسی نافذ کردی گئی ہے۔

غیرملکی خبر رساں ادارے کے مطابق ریاست نیو یارک میں پچھلے 5 روز سے جاری بارشوں کے بعد نیویارک شہر کے کئی حصوں میں سیلابی صورتحال ہے، سڑکوں، پلوں پرسیلابی پانی جمع ہوگیا جبکہ میٹرو اسٹیشنز میں بھی سیلابی پانی داخل ہوگیا۔

Major flooding in Brooklyn today. Trains shut down and the only way out of the station is through this. pic.twitter.com/yQPLOyc6dX

— Seth Chinnis (@sethchinnis) September 29, 2023

نیویارک میں جمعے اور ہفتے کو مزید بارشوں اور سیلابی ریلوں کی وارننگ جاری کی گئی جس کے بعد اب گورنر نے ریاست میں ایمرجنسی نافذ کرنے کا اعلان کردیا ہے۔

غیرملکی خبر رساں ادارے کے مطابق نیویارک کے جان ایف کینیڈی ائیرپورٹ پر ابھی سے 3 انچ پانی کھڑا ہوگیا ہے، دن کے اختتام تک شہر میں 7 انچ پانی کھڑا ہونے کی پیشگوئی ہے۔ 

Yikes! Flooding at Grand Army Plaza station in Brooklyn, New York this morning with more rain on the way!

LSC Viewer: Andre Forbes pic.twitter.com/M0V8WWtAcj

— Live Storm Chasers (@LiveStormChaser) September 29, 2023

محکمہ موسمیات نے نیویارک میں معمولاتِ زندگی بڑے پیمانے پر متاثر ہونے کی وارننگ بھی جاری کی ہے۔ 

میڈیا رپورٹس کے مطابق نیویارک شہر کا انفرا اسٹرکچر اتنے زیادہ پانی کو ہینڈل نہیں کر پا رہا، جس کے نتیجے میں افرا تفری پھیل رہی ہے اور ٹرانسپورٹ کا نظام بھی بری طرح متاثر ہے۔