حبابخاری کے ہاں جلدننھے مہمان کی آمد،ویڈیونے تصدیق کردی

(ویب ڈیسک)پاکستانی ڈرامہ انڈسٹری کی مقبول فنکار جوڑی حبا بخاری اور آریزاحمد کی زندگی کے  اہم  راز سے پردہ اُٹھ گیا۔

اداکارہ حبابخاری اورآریز احمدان دنوں ایک ایوارڈ شو میں شرکت کے لیے برطانوی دارالحکومت لندن میں موجود ہیں جہاں ان کی مختلف ویڈیوزسامنے آئی ہیں ،ان میں سے ایک  وائرل ویڈیو سے اپنے متوقع بچے کی آمد کی خبر کو خفیہ رکھنے والی فنکار جوڑی کا راز کھل گیا ہے۔

وائرل ویڈیو میں اداکارہ حبابخاری کا بے بی بمپ واضح طور پر دکھائی دے رہا ہے جس کے بعد اس بات کی تصدیق ہو گئی ہے کہ فنکار جوڑی کے ہاں جلد ننھے مہمان کی آمد متوقع ہے۔

ویڈیو کے کمنٹس میں صارفین مختلف تبصرے کر رہے ہیں،کچھ کاکہناہے کہ نادیہ خان کی خبر پکی تھی جبکہ بعض صارفین جوڑی کے لیے نیک خواہشات کا اظہار کر رہے ہیں۔

واضح رہے کہ کچھ عرصہ قبل اداکارہ و میزبان نادیہ خان نے جلد والدین بننے والی حبا بخاری اورآریز احمد کوآن ایئرمبارک باد دی تھی جس پربعض سوشل میڈیا صارفین نے نادیہ خان کو شدید تنقید کا نشانہ بنایا تھا۔

بھولی بانو ،فتور اوردیوانگی جیسے ڈراموں میں اداکاری کے جوہر دکھانے والی اداکارہ حبا بخاری نے 2021 میں اداکار آریز احمد کے ساتھ ڈرامہ " انتہائے عشق" میں ایک ساتھ کام کیاتھاجس کے بعد دونوں نے  6 جنوری 2022 کو شادی کرلی تھی۔