(24 نیوز)بھارت میں بھی دکھی دلوں کی آواز سننے وا لے لو گ موجو د ہیں۔ سالانہ خیرات کرنے والے افراد کی ایک فہرست سامنے آئی ہے جس میں عظیم پریم جی نام کی مسلمان کاروباری شخصیت کی جا نب سے روزانہ کی بنیاد پر اوسطاً 22 کروڑ روپے (45 کروڑ روپے پاکستانی) کی خیرات کرنے کا انکشاف سا منے آیا ہے۔
تفصیلات کے مطابق فہرست میں امیر ترین افراد نے گزشتہ ایک سال کے دوران مجموعی طور پر نو ہزار 324 کروڑ بھارتی روپے کی خیرات کی۔ اس خیرات میں سب سے بڑا حصہ عظیم پریم جی کا ہے جنہوں نے مجموعی طور پر سات ہزار 904 کروڑ روپے کی خیرات کی۔ اگر ان کی روزانہ کی اوسط نکالی جائے تو یہ 22 کروڑ روپے (45 کروڑ پاکستانی) کے قریب بنتی ہے۔
یہ بھی پڑھیں:سائیکل پر اہلیہ کی لاش لے جانے والے شخص کی تصویر نے مودی کی گڈ گو رننس کا پو ل کھول دیا
عظیم پریم جی نے سب سے زیادہ پیسہ تعلیم پر خرچ کیا ، اس کے علاوہ انہوں نے کورونا بحران سے نمٹنے کیلئے مجموعی طور پر 1125 کروڑ روپے (2338 کروڑ پاکستانی) کے عطیات دیے۔انڈیا میں خیرات کرنے والوں میں دوسرا نمبر شِیو نادار کا ہے جنہوں نے ایک سال میں 795 کروڑ کے عطیات دیے۔ بھارت کے امیر ترین شخص مکیش امبانی عوامی فلاح کے کاموں میں خرچ کرنے کے معاملے میں تیسرے نمبر پر رہے۔ انہوں نے ایک سال کے دوران 458 کروڑ روپے کے عطیات دیے۔
یہ بھی پڑھیں:بھارت میں ایک اور مسلمان کی دریا دلی۔۔ رکشہ کورونا ایمبولینس میں تبدیل کر دیا