سندھ میں آج سے تعلیمی ادارے کھل گئے

 (مانیٹرنگ ڈیسک)سندھ بھر میں100فیصد  اسٹاف کی ویکسینیشن  والے تعلیمی ادارے آج سے کھل گئے۔

تفصیلات کے مطابق سکول، کالجز اور جامعات میں اسٹاف کی 100 فیصد ویکسینیشن اور طلبہ کی 50 فیصد حاضری کے ساتھ  تعلیمی ادارے کھولے گئے ہیں۔محکمہ تعلیم سندھ کے مطابق صرف وہ اسکول کھلیں گے جہاں تدریسی و غیر تدریسی اسٹاف ویکسینیشن کراچکا ہوگا۔یاد رہے والدین کو بھی ویکسینیشن کرانےکی ہدایت کی گئی ہے۔

دوسری جانب بازار میں اوّل تا 12 ویں جماعت کی کتابیں دستیاب نہ ہونے کی وجہ سے طلبہ اور ان کے والدین کو پریشانی کا سامنا ہے۔اردو بازار کے کتب فروشوں کے مطابق رواں سال 2021 میں سندھ ٹیکسٹ بک بورڈ کی نئے سال کی ایک کتاب بھی بازار میں دستیاب نہیں۔

اس کے علاوہ کتابوں، کاپیوں اور اسٹیشنری کی قیمتوں میں بھی کئی گنا اضافہ کیا جاچکا ہے۔