(ویب ڈیسک) پی ٹی آئی رہنما فواد چودھری نے موجودہ نظام حکومت کو الٹانے کا دعویٰ کردیا ۔کہتے ہیں کہ اس فسطائیت کے خلاف جنگ جاری رہے گی، اس نظام کوالٹا نہ سکے تو یہ ناکامی پاکستان کاالمیہ ہو گی۔
سابق وفاقی وزیر اطلاعات و نشریات فواد چودھری نے کہا ہے کہ تحریک انصاف موجودہ نظام سے نبرد آزما ہے، بدترین میڈیا سنسرشپ،عدالتی اور قانونی محاذ پر سازشیں اربوں ڈالر کے وسائل عمران خان کوختم کرنے کیلئے پھونکے جا رہے ہیں۔
سماجی رابطے کی ویب سائٹ ٹویٹر پر اپنے پیغام میں پاکستان تحریک انصاف کے سینئر رہنما فواد چودھری کا کہنا تھا کہ ہرحربے استعمال کرنے کے باوجود عوام کے دل چیئرمین پی ٹی آئی عمران خان کی طرف سے نہیں موڑے جا رہے ہیں۔