نتیجہ جو بھی نکلے کھلاڑیوں کو سپورٹ کریں، حسن علی کی مداحوں سے درخواست

(ویب ڈیسک)ایشیا کپ ون ڈے ٹورنامنٹ کا آج سے آغاز ہونے جارہا ہے جس سے قبل حسن علی نے مداحوں سے درخواست کی ہے کہ نتیجہ جو بھی آئے کھلاڑیوں کو سپورٹ کریں۔

 آج کے  افتتاحی میچ میں میزبان پاکستان اور نیپال کی ٹیمیں ملتان کرکٹ اسٹیڈیم میں آمنے سامنے ہوں گی۔ ٹورنامنٹ کے آغاز سے قبل فاسٹ بولر حسن علی نے مداحوں سے درخواست کی اور پاکستانی ٹیم کے لیے نیک خواہشات کا بھی اظہار کیا۔

حسن نے مائیکروبلاگنگ ویب سائٹ ایکس پر قومی ٹیم کی تصویر شیئر کی اور لکھا 'میری تمام مداحوں سے درخواست ہے کہ نتیجہ جو بھی ہو اپنے لڑکوں کو سپورٹ کریں'۔فاسٹ بولر نے اپنی ٹوئٹ میں مزید لکھا 'اللہ کے حوالے، پاکستان زندہ باد'۔

Good luck boys! A request for all fans to please support our boys regardless of the results. Allah ke havale ???????? Pakistan Zindabad ????????#IamGAME #AsiaCup pic.twitter.com/sAYOpJaVOc

— Hassan Ali ???????? (@RealHa55an) August 30, 2023

واضح رہے کہ ایشیا کپ کے پہلے میچ کیلئے پاکستان نے نیپال کیخلاف پلیئنگ الیون کا اعلان کردیا، ٹیم میں تین تبدیلیاں کی گئیں ہیں۔سعود شکیل ، وسیم جونیئر اور آل راؤنڈر فہیم اشرف کی جگہ افتخار احمد، حارث رؤف اور نسیم شاہ کو کھلانے کا فیصلہ کیا گیا ہے۔

افتتاحی میچ کے لیے پاکستان ٹیم میں کپتان بابر اعظم، شاداب خان، فخر زمان، امام الحق، سلمان علی آغا،افتخار احمد، محمد رضوان،محمد نواز، نسیم شاہ، شاہین آفریدی اور حارث رؤف شامل ہیں۔

یہ بھی پڑھیں:ایشیا کپ سے قبل بنگلا دیشی ٹیم کو بڑا دھچکا

قومی کرکٹ ٹیم کے کپتان بابر اعظم کا کہناہے کہ کسی بھی حریف کو آسان نہیں لیں گے ، پورا ایشیا کپ پاکستان میں ہوتا تو خوشی ہوتی ، جیت کا مومینٹم برقرار رکھنے کی کوشش کریں گے۔