بانی پی ٹی آئی کا کہنا ہے کہ ڈیل کر کے نہیں نکلوں گا: علیمہ خان  

(24 نیوز )بانی پی ٹی آئی کی بہن علیمہ خان کا کہنا ہے کہ بانیٔ پی ٹی آئی کا کہنا ہے کہ ڈیل کر کے نہیں نکلوں گا۔

راولپنڈی میں اڈیالہ جیل کے باہر میڈیا سے گفتگو کرتے ہوئے کہا کہ بانی پی ٹی آئی پوچھ رہے ہیں ڈیڑھ سال جیل کاٹی، پھر کیا ضرورت ہے کہ ڈیل کر کے نکلوں۔

علیمہ خان کا کہنا ہے کہ بانی پی ٹی آئی کہتے ہیں جب میرے کیس ختم ہو گئے ہیں تو اس نہج پر ڈیل نہیں کر رہا، اپنے کیسز کا سامنا کروں گا۔

 انہوں نے کہا کہ بانی پی ٹی آئی نے کہا ہے وہ بنی گالامیں نظر بند نہیں ہوں گے، پارٹی چھوڑنے والوں کے کیس کیسے معاف کر دیئے گئے۔

بانی پی ٹی آئی کی بہن کا کہنا ہے کہ بانی پی ٹی آئی نے کہا 9 مئی کی سازش پہلے سے کی گئی تھی، پارٹی کو کرش کرنا تھا، 26 نومبر اور 9 مئی پر جوڈیشل کمیشن بنانے کے مطالبات دہرائے ہیں۔

علیمہ خان نے یہ بھی کہا کہ بانی پی ٹی آئی کا دوسرا مطالبہ بے گناہ قیدیوں کو رہا کیا جائے۔