محکمہ موسمیات نے منگل سے پھربارشوں اور برفباری کی نوید سنا دی

(24نیوز)ملک کے بالائی علاقوں میں منگل سے بارش اور برف باری کی پیش گوئی کردی گئی۔
محکمہ موسمیات کاکہناہے کہ مغربی ہواؤں کا نیا سلسلہ منگل کو ملک کے بالائی علاقوں میں داخل ہوگا،بالائی خیبرپختونخوا،کشمیراور گلگت بلتستان میں بارش اور برف باری متوقع ہے جبکہ راولپنڈی ،اسلام آباد ،جہلم، میانوالی،چکوال ،خوشاب اور سرگودھا کے بعض علاقوں میں ہلکی بارش کاامکان ہے۔
محکمہ موسمیات کاکہناہے کہ بالائی علاقوں میں بارش اور برف باری کا سلسلہ جمعرات تک جاری رہےگا،آئندہ ہفتے ملک کے دیگر علاقوں میں موسم خشک اور سرد رہےگا،محکمے کی جانب سے مزید کہاگیاہے کہ بالائی خیبرپختونخوا، گلگت بلتستان اور بلوچستان میں سرد ہوائیں چلیں گی،جنوبی پنجاب اور سندھ کے بیشتر علاقوں میں موسم خشک اور سرد رہے گا۔