(ویب ڈیسک)معروف اداکارہ و میزبان وینا ملک نے انکشاف کیاہے کہ انہیں دوبارہ "بگ باس" میں شرکت کی پیشکش ہوئی تھی لیکن انہوں نے اپنے بچوں کے ساتھ وقت گزارنے کے لیے یہ پیشکش ٹھکرا دی۔
ویناملک حال ہی میں ایک نجی پروگرام میں شریک ہوئیں، جہاں انہوں نے اپنی پسندیدہ بالی وڈ شخصیات اور بھارتی شوبز انڈسٹری میں گزارے وقت کے بارے میں بھی گفتگو کی۔
وینا ملک نے گفتگو کے دوران کہا کہ اگر موقع ملے تو کوئی بھی اداکار بالی وڈ کے خانز کے ساتھ کام کرنا پسند کرے گا، لیکن وہ خاص طور پر شاہ رخ خان کے ساتھ کام کرنا چاہیں گی۔
انہوں نے مزید بتایا کہ بھارت میں گزارے گئے وقت کے دوران ان کی ملاقاتیں کئی مشہور بالی وڈ ستاروں سے ہوئیں، جن میں خانز بھی شامل ہیں۔
وینا نے انکشاف کیا کہ وہ سلمان خان سے ان کے فارم ہاؤس پر بھی مل چکی ہیں، تاہم انہوں نے کبھی ان ملاقاتوں کو بڑھا چڑھا کر پیش نہیں کیا۔
یہ بھی پڑھیں:سعودی خاتون گھوڑے پرسوار ہو کر خریداری کیلئے اسٹور پہنچ گئیں،ویڈیووائرل
وینا ملک نے کہاکہ بگ باس ایک بڑا پلیٹ فارم تھا اور اس کی اپنی مخصوص ناظرین کی تعداد تھی،شوبز انڈسٹری میں تنازعات اکثر وائرل ہو جاتے ہیں، اور بگ باس بھی ایسا ہی ایک پروگرام تھا،مجھے دوبارہ بگ باس میں شرکت کی پیشکش ہوئی تھی لیکن اپنے بچوں کے ساتھ وقت گزارنے کے لیے یہ موقع ٹھکرا دیا۔