عمران عباس نے نیلم منیر کے ہمراہ نئی تصاویر شیئر کردیں
نیلم منیرمیری پیاری دوست ،احرامِ جنون سے محشر تک ایک یادگار سفر رہا ہے
Stay tuned with 24 News HD Android App
(ویب ڈیسک)ناموراداکارعمران عباس نے حال ہی میں شادی کے بندھن میں بندھنے والی اداکارہ نیلم منیر کے ہمراہ نئی تصاویر شیئر کردیں۔
باصلاحیّت اداکارعمران عباس نے ماڈلنگ اورٹی وی کےساتھ ساتھ فلموں میں بھی کام کیاہے اورتینوں شُعبوں میںخودکومنوایاہے۔دل مُضطر،خدا اورمحبّت،ملال،وصال ،من وسلویٰ،میری ذات ذرہ بے نشاں،امراﺅ جان،کوئی لمحہ گلاب ہو،مجھے ہے حکم اذان،نوربانو،اکبری اصغری،وصل،پل میں عشق پل میں نہیں،شیرخُرما،کتنی گرہیں باقی ہیں،اعتراض،میرا نصیب،پیاکے گھر،شادی اورتم سے،الوداع اورمیرا نام یوسف ہے سمیت بے شُمار ڈرامے اورٹیلی فلمیں ان کے کریڈٹ پرہیں۔
عمران عباس نے خوبرو اداکارہ نیلم منیرکے ساتھ بھی متعدد ڈرامہ سیریلز میں کام کیاہے،بلاک بسٹر ڈرامہ سیریل"احرامِ جنون" کے علاوہ ڈرامہ سیریل "محشر" میں بھی ان کی جوڑی کو پسند کیا جا رہا ہے۔
اداکار عمران عباس نے حال ہی میں نیلم منیر کے ساتھ نجی ٹی وی کی ڈرامہ سیریل "محشر" کے سیٹ کی تصاویر شیئر کی ہیں۔
اداکار نے بتایا ہے کہ یہ تصویریں ڈرامہ سیریل "محشر" کے سیٹ پر آخری دن بنائی گئی تھیں،انہوں نے نیلم منیر کو اپنی "پیاری دوست" قرار دیتے ہوئے لکھا کہ "احرامِ جنون" سے "محشر" تک ایک یادگار سفر رہا ہے، اس ٹیم کے ساتھ ایک بار پھر کام کرنا بہت اچھا لگا۔
یہ بھی پڑھیں:بھارتی اداکارہ ماہرہ شرما اورفاسٹ بالر محمد سراج کے درمیان افیئرکی افواہیں
اس پوسٹ پر نیلم منیر نے بھی کمنٹ کر کے عمران عباس کے لیے نیک تمناؤں کا اظہار کیا ہے،اداکارہ نے لکھا کہ ما شاء اللّٰہ آپ بہت مہربان شخصیت ہیں، اللّٰہ آپ کو اور آپ کے گھر والوں کو ہمیشہ خوش رکھے، آمین۔