سندھ میں کل سے 8 اگست تک لاک ڈائون کا نوٹیفکیشن جاری

(24 نیوز)سندھ حکومت نے لاک ڈاﺅن کا نوٹیفکیشن جاری کردیا،محکمہ داخلہ سندھ کی جانب سے جاری نوٹیفکیشن میں کہاگیا ہے کہ 31 جولائی سے 8 اگست تک لاک ڈاﺅن ہوگا۔

قبل ازیں وزیر اعلیٰ مراد علی شاہ نے کہا تھا کہ عوام کو کورنا وائر س کی چوتھی لہر سے محفوظ رکھنا ہے،سندھ میں مکمل نہیں بلکہ جزوی لاک ڈاﺅن لگایا گیا ہے ،عوام سے اپیل کرتا ہوں کہ ا س لاک ڈاون کو کامیاب بنانے میں مدد کریں۔

وزیراعلیٰ سندھ مراد علی شاہ نے پریس کانفرنس کرتے ہوئے کہنا تھا کہ سندھ میں آٹھ اگست تک جزوی لاک ڈاون ہوگا،نواگست کو لاک ڈاون کھولنے کی طرف جائیں گے،میں جانتا ہوں کہ نودن بعد بھی وبا میں کمی نہیں ہوگی لیکن ہم نے اس میں وقفہ لانا ہے۔
انہوں نے کہا کہ ٹاسک فورس کی میٹنگ کے بعدوفاقی وزیر اسدعمراورڈاکٹرفیصل سلطان کوآگاہ کیا ہے اور انہوں نے فیصلوں پر عملدرآمد کیلئے ہماری مدد کرنے کا کہا ہے۔
 مراد علی شاہ نے کہا کہ کراچی میں ڈیلٹا وائرس کا 26فروری کوپہلا کیس سامنے آیا تھا،پہلا کیس رپورٹ ہونے سے اب تک ٹاسک فورس کام کررہی ہے، اب شہر میں کورونا کیسز کی مثبت شرح25فیصد سے زائد ہوگئی ہے، ڈیلٹاویرینٹ سے سب سے زیادہ متاثرکراچی ہے،احتیاط نہ کی گئی تووائرس بڑھے گا۔چارسے پانچ روز میں ہسپتالوں پر کورونا مریضوں کا دباومزید بڑھ جائیگا،کراچی کے لوگوں سے کہوں گا جزوی لاک ڈاون کو کامیاب بنانے میں ساتھ دیں۔
 وزیراعلیٰ سندھ نے مزید کہا کہ اگلے نودن تک تقریباً سرکاری ادارے بھی بند کردیئے ہیں،بڑی ٹرانسپورٹ بند کررہے ہیں لیکن چھوٹی ٹرانسپورٹ ویکسی نیشن کے لئے کھلی ہوگی،امتحانات بھی ایک ہفتے کے لیے ملتوی کیے جارہے ہیں،کابینہ میٹنگ بھی ملتوی کررہا ہوں،پوری کابینہ اگلے نودن کوئی اور کام نہیں کرے گی صرف لاک ڈاون کو مانیٹر کرے گی۔

یہ بھی پڑھیں:سرکاری کالجوں کے اساتذہ کیلئے بڑی خوشخبری