وزن کے بارے میں متفکر افراد کیلئے بڑی خوشخبری

(24نیوز) کھانے کے شوقین اور صحت کے حوالے سے فکر مند رہنے والے افراد کیلئے خوشخبری، اب پاکستان کے تمام ریسٹورنٹس میں بھی مینیو آئٹم کے ساتھ ’کیلوری کاؤنٹ‘ لکھے جائیں گے۔     

یہ سب ہی جانتے ہیں کہ کھانے میں موجود توانائی کو کیلوریز میں ناپا جاتا ہے، اس لیے اکثر لوگوں کا ماننا ہے کہ کیلوریز کی مقدار کم کرنے سے وزن کم کرنے میں مدد ملے گی۔ وزن کم کرنا اور جسم کو بہتر شکل میں لانا ہر ایک کی خواہش ہوتی ہے، اسی لیے لوگ اپنے کھانے میں کیلوریز کی مقدار کا خاص خیال رکھتے ہیں۔

شہریوں کی صحت کو مدنظر رکھتے ہوئے پرائم منسٹر اسٹریٹجک ریفارمز کے سربراہ سلمان صوفی ’محفوظ غذا، تندرستی سدا‘ کے نام سے مہم کا آغاز کر رہے ہیں جو شہریوں کے صحت سے متعلق اُنہیں معلومات فراہم کرنے کے حوالے سے آگاہی فراہم کر رہی ہے۔

اس مہم کے ذریعے شہریوں کو یہ بتانے کی کوشش کی جارہی ہے کہ آپ ایک پکوان کی صورت میں کتنی کیلوریز لے رہے ہیں، یا پھر کیا آپ ضرورت سے زیادہ کیلوریز تو نہیں لے رہے۔اس حوالے سے سلمان صوفی نے سماجی پلیٹ فارم ٹوئٹر پر لکھا کہ ’شہریوں کی صحت کی بہتری کے لیے تاریخی قدم کا اعلان کرتے ہوئے خوشی محسوس ہو رہی ہے‘

Pleased to announce a historic step to improve health of citizens.

Now restaurants around the country will display calorie count of each menu item, ensuring we know what and how much we eat.

Here's a list of restaurants who have started the process.

محفوظ غذا۔تندرستی سدا pic.twitter.com/uui4REGlVI

— Salman Sufi (Get New Covid Booster Today) (@SalmanSufi7) July 21, 2023

انہوں نے کہا کہ اب ملک بھر کے ریسٹورنٹس کے ہر مینیو کارڈ پر ’کیلوری کاؤنٹ‘ لکھے جائیں گے، اس کا مقصد یہ جاننا ہے کہ آپ ایک پکوان کی صورت میں کتنی کیلوریز لے رہے ہیں۔ سلمان صوفی نے ملک بھر کے ریسٹورنٹس کی فہرست شئیر کرتے ہوئے لکھا کہ فہرست میں موجود تمام ہوٹل اور ریسٹورنٹس محکمہ خوراک سندھ کو اس منصوبے پر عمل کرنے کی یقین دہانی کروا چکے ہیں۔

انہوں نے مزید بتایا کہ پنجاب، سندھ، خیبرپختونخوا کے فوڈ حکام اور بلوچستان حکومت نے اس اقدام پر بڑی پیش رفت کی ہے اور لیبارٹریوں کے ساتھ غذائیت سے متعلق معلومات تیار کرنے کے لیے ریسٹورنٹس کے ساتھ کام کر رہے ہیں۔

Punjab, Sindh, KP food authorities and Balochistan govt have made great progress on this initiative and are actively assisting restaurants to develop nutritional information with laboratories.

-know what you eat- will change how we consume and excessively utilize food

— Salman Sufi (Get New Covid Booster Today) (@SalmanSufi7) July 21, 2023

کیلوری کاؤنٹ ایسا طریقہ ہے جس کے ذریعے آپ اپنے کھانے اور مشروبات کی کیلوری کی مقدار کو ریکارڈ کرسکتے ہیں۔ کیلوری کے اصطلاح کی بات کی جائے تو یہ اصطلاح کھانے کی اشیا کی غذائی قدر کو ظاہر کرنے کے لیے استعمال ہوتی ہے۔

ریسٹورنٹ میں مینیو آئٹم کے ساتھ کیلوری کاؤنٹ لکھنے سے آپ کو کھانے اور اسنیکس آرڈر کرنے سے قبل فیصلہ کرنے میں مدد ملے گی۔ یہ طریقہ دیگر ممالک کے ریسٹورنٹس میں بھی بہت عام ہے۔

اس کا مقصد لوگوں میں موٹاپے کے حوالے سے بھی آگاہی فراہم کرنا ہے، رواں سال مارچ میں دنیا بھر کے افراد کی جسمانی صحت اور ان کے وزن پر نظر رکھنے والے عالمی ادارے کی رپورٹ جاری کی گئی تھی جس میں بتایا گیا کہ دنیا بھر میں موٹاپا خطرناک صورت حال اختیار کرتا جا رہا ہے اور اس وقت 2 ارب 60 کروڑ یا 38 فیصد آبادی موٹاپے کا شکار ہے۔

مزید پڑھیں:  پاکستان میں 2 کروڑ افراد ہیپاٹائٹس کے موذی مرض کا شکار

عالمی ادارے نے خبردار کیا تھا کہ اگر لوگوں کے وزن میں اضافے کی شرح یوں ہی برقرار رہی تو 2035 تک دنیا کی نصف آبادی زائد الوزنی کا شکار ہوگی، جس سے کئی بیماریاں جنم لے سکتی ہیں۔

ہیلتھ لائن کی رپورٹ کے مطابق زیادہ تر بالغ خواتین کو روزانہ ایک ہزار 600 سے 2 ہزار 200 کیلوریز کی ضرورت ہوتی ہے، جبکہ بالغ مردوں کو 2 ہزار 200 سے 3 ہزار کیلوریز کی ضرورت ہوتی ہے۔