(ما نیٹرنگ ڈیسک)اداکارو گلوکار فخر عالم کیلئے یو اے ای کی جا نب سے ایک اہم اعزاز مل گیا ہے ۔ان کو متحدہ عرب امارات کا 10 سالہ گولڈن ویزا دید یا گیا، وہ پہلے پاکستانی فنکار ہیں جن کو اماراتی حکام نے گولڈن ویزا جاری کیا۔
تفصیلا ت کے مطابق فخر عالم 17 برس سے متحدہ عرب امارات میں رہائش پذیر ہیں۔وہ ہوابازی کے شوقین ہیں اور پہلے پاکستانی ہیں جنہوں نے 2018 میں سنگل انجن طیارے پر دنیا کا چکر لگانے کا اعزاز حاصل کیا تھا۔ انہیں امارات کا ثقافتی سفیر بھی مقرر کیا گیا۔
فخر عالم کا گولڈن ویزا ملنے پر کہنا تھا کہ وہ بہت خوش ہیں اور اماراتی حکام کے انتہائی شکر گزار ہیں۔ "اس سے میری مزید حوصلہ افزائی ہوئی اور مستقبل میں مزیداچھے کام کرنے کیلئے پرجوش ہو گیا ہوں"۔ "میں کراچی سے 90 منٹ کی دوری پر ہوں، پاکستان اور امارات دونوں جگہوں پر کام کرتا ہوں، پاکستان کام کر کے واپس آ جاتا ہوں"۔
یہ بھی پڑھیں:وزیراعلیٰ سندھ کی ہدایت پر حریم شاہ معاملےکی فرانزک بنیادوں پرتحقیقات