حمزہ کے بعد پنجاب کو کون چلائے گا ؟ بڑی خبر آگئی

 (24 نیوز) سردار عثمان بزدار دوبارہ وزیر اعلی پنجاب بن گئے، وزیراعلی حمزہ شہباز اور ان کی کابینہ تحلیل ہوگئی

یاد رہے لاہور ہائیکورٹ نے حمزہ شہباز کے حلف برداری کے فیصلے کے خلاف انٹراکورٹ اپیلوں پر فیصلہ سنا دیا۔ جسٹس صداقت علی خان کی سربراہی میں 5 رکنی لارجر بنچ نے درخوقستیان نمٹا دیں۔ جسٹس ساجد محنود سیٹھی نے فیصلے میں اختلافی نوٹ لکھا۔

 لاہور ہائیکورٹ نے حمزہ شہباز کا حلف کالعدم قرار دینے انٹرا کورٹ اپلیں منظور کرلیں۔ لاہور ہائیکورٹ نے حمزہ شہباز کی انٹرا کورٹ اپیلوں بارے 8 صفحات کا تفصیلی فیصلہ جاری کر دیا۔

یہ بھی پڑھیں:حمزہ شہباز کا انتخاب ،ہائیکورٹ نے فیصلہ سنا دیا

 خیال رہے گزشتہ روز دوران سماعت جسٹس شاہد جمیل نے نقطہ اٹھایا کہ ڈی سیٹ ہونیوالے ارکان کا ریفرنس بھیج دیا گیا، سپریم کورٹ میں معاملہ زیرسماعت تھا، وزیراعلیٰ کا الیکشن ہوا۔ اس کے بعد سپریم کورٹ کا فیصلہ آیا، ہم اسے کیسے نظر انداز کر دیں، کیا یہ فیصلہ ماضی پر اطلاق کرتا ہے، آپ اس پوائنٹ پر معاونت کریں۔

حمزہ شہباز کے وکیل نے کہا کہ سپریم کورٹ کے فیصلے کا مستقبل پر اطلاق ہوتا ہے۔ جس پر جسٹس شاہد جمیل نے کہا کہ آپ سپریم کورٹ میں جا کر اس فیصلے پر نظر ثانی کرائیں، اس کے علاوہ ہمارے پاس کوئی چارہ نہیں۔ ہم تو سپریم کورٹ کا فیصلہ اطلاق ماضی سے سمجھتے ہیں۔ سپریم کورٹ کی تشریح موجودہ حالات میں لاگو ہو گی ۔ اگر ہم اس نتیجے پر پہنچتے ہیں کہ فیصلے کا اطلاق ماضی سے ہو گا تو ہم فوری احکامات جاری کریں گے۔ مخصوص نشستوں کا نوٹیفیکیشن جاری ہوتا ہے یا نہیں یہ معاملہ ہمارے سامنے نہیں۔ ہم الیکشن اور سپریم کورٹ کے فیصلے پر عملدرآمد کو دیکھ رہے ہیں۔ حمزہ شہباز کے وکیل نے دلائل مکمل کئے تو عدالت نے سماعت کچھ دیر کیلئے ملتوی کر دی۔

 سماعت دوبارہ شروع ہوئی تو پی ٹی آئی کے وکیل امتیاز صدیقی کو روسٹرم پر دلائل کیلئے طلب کیا گیا، جسٹس صداقت علی نے ان سے استفسار کیا کہ اپیلوں پر مزید دلائل دینے ہیں۔ امتیاز صدیقی نے کہا کہ تفصیلی تحریری دلائل عدالت میں جمع کروا دیئے ہیں جس پر جسٹس صداقت علی نے کہا کہ ہم نے ان کا جائزہ لے لیا ہے۔ بعد ازاں عدالت نے حمزہ شہباز کووزارت اعلی سے ہٹانے کی درخواستوں پر سماعت ملتوی کردی۔