برائلر مرغی کے گوشت کی قیمت کمی

 (سعید احمد) برائلر مرغی کے گوشت کی قیمتوں میں اتار چڑھاؤ  کا سلسلہ جاری ہے، لاہور میں برائلر مرغی کے گوشت کی قیمت میں کمی ریکارڈ کی گئی ہے۔

 برائلر مرغی کے گوشت کی قیمت میں 13روپے فی کلو کمی ہونے  کے بعد  مرغی کا گوشت 396روپے کلو ہو گیا۔  زندہ برائلر مرغی کا تھوک ریٹ 263روپے کلو جبکہ پرچون ریٹ 273روپے کلو ہو گیا ہے۔

 دوسری جانب مرغی کے انڈوں کی قیمت 250 روپے فی درجن پر مستحکم ہے جبکہ انڈوں کی پیٹی کا سرکاری تھوک ریٹ 7380روپے جاری کیا گیا ہے۔