رمضان شریف کا پہلا روزہ کب ہوگا۔.?... جانیے

(24 نیوز) ملک بھر میں29 شعبان کو چاند کی رویت سے رمضان شریف کا پہلا روزہ بدھ 14 اپریل کو ہوگا۔

تفصیلات کے مطابق دنیا بھر میں رمضان کے چاند کی پیدائش 12 اپریل 2021کی صبح ہوگی اس روز پاکستان میں 28 شعبان ہوگی اور 12 اپریل کو پاکستان سمیت دنیا کے بیشتر خطوں میں غروب آفتاب کے وقت رمضان کے چاند کی رویت ناممکن ہے کیونکہ اس روز غروب آفتاب کے ٹھیک 18 منٹ اور 37 سیکنڈ کے بعد چاند خود بھی غروب ہوجائے گا اور  اس بات کا قطعی امکان ہے کہ 13 اپریل بمطابق 29 شعبان پاکستان سمیت دنیا کے بیشتر علاقوں میں رمضان کا چاند نظر آجائے گا۔ اس حساب سے29 شعبان کو چاند کی رویت سے پاکستان میں پہلا روزہ بدھ 14 اپریل کو ہوگا۔ ماہرین فلکیات کے مطابق پیر12 اپریل کو رمضان کے چاند کی پیدائش پاکستان کے وقت کے مطابق صبح 7 بج کر 30 منٹ پر عمل میں آئے گی اسلئے 12 اپریل کی شام کو دنیا میں کہیں سے چاند نظر آنے کا امکان نہیں ہے تاہم اسی شام براعظم امریکا کے ممالک میں دوربین سے چاند نظر آنے کے امکان کو مسترد نہیں کیا جاسکتا۔ ماہرین فلکیات کےمطابق پیر12 اپریل بمطابق 28 شعبان کراچی میں سورج 6 بج کر 52 منٹ اور 39 سیکنڈ پر غروب جبکہ چاند7 بج کر 11منٹ اور16سیکنڈ پر  غروب ہوگا اور ان دونوں کے غروب ہونے کے درمیان فرق 18 منٹ 37 سیکنڈ ہوگا ۔