حفیظ شیخ محنتی انسان،کاوشوں کی قدر کرتے ہیں:شبلی فراز

(24نیوز)وفاقی وزیر اطلاعات و نشریات شبلی فراز کا کہنا ہے کہ حفیظ شیخ نے حکومتی امور قومی جذبے سے انجام دیئے۔ ان کی کاوشوں کو قدر کی نگاہ سے دیکھتے ہیں۔ 

مائیکرو بلاگنگ سائٹ ٹوئٹر پر اپنے بیان میں وفاقی وزیر اطلاعات نے حفیظ شیخ کو عہدے سے ہٹانے پر ردعمل میں کہا کہ حفیظ شیخ نفیس اور محنتی انسان ہیں۔  حفیظ شیخ کی کاوشوں کو قدر کی نگاہ سے دیکھتے ہیں۔

حفیظ شیخ صاحب نہایت نفیس اور محنتی انسان ہیں۔انہوں نے بطور مشیر خزانہ حکومتی امور تندہی اور قومی جذبے سے انجام دیے۔مشکل حالات کے باوجود انہوں نے ملک کی معاشی بہتری میں حصہ ڈالا۔ انکی کاوشوں کو قدر کی نگاہ سے دیکھتے ہیں۔

— Senator Shibli Faraz (@shiblifaraz) March 29, 2021

انہوں نے عبدالحفیظ شیخ کی کارکردگی کی تعریف  کرتے ہوئے کہا کہ انہوں نے بطور مشیر خزانہ حکومتی امور تندہی اور قومی جذبے سے انجام دیئے۔ مشکل حالات کے باوجود  حفیظ شیخ نے ملک کی معاشی بہتری میں حصہ ڈالا۔