کورونا ویکسین:دوسرا بوسٹر شاٹ منظور۔کن افراد کو لگایا جائے گا؟

 (ویب ڈیسک)امریکی ادارے فوڈ اینڈ ڈرگ ایڈمنسٹریشن (ایف ڈی اے) نے کورونا ویکسین  فائزر اور موڈرنا  کی چوتھی اور تیسری ڈوز کے 4 ماہ بعد بوسٹر شاٹ لگایا جاسکے گا،

ایف ڈی اے کی جانب سے دوسرے بوسٹر شاٹ کی منظوری دے دی گئی ہے۔ کورونا ویکسین کا دوسرا بوسٹر شاٹ 50 سال سے زائد عمر کے افراد کو لگایا جاسکے گا۔

امریکی ادارے کا کہنا ہے کہ کمزور قوت مدافعت والے 12سال سے زائد عمر کے بچوں کو فائزر کا دوسرا بوسٹر شاٹ دیا جاسکے گا، جبکہ کمزور قوت مدافعت والے 18سال سے زائد عمر کے افراد کو موڈرنا کا دوسرا بوسٹر ڈوز لگایا جائے گا۔

وائٹ ہاؤس کی کمیونیکیشن ڈائریکٹر کیٹ بیڈنگ فیلڈ نے پریس بریفنگ میں کہا ہے کہ کورونا بوسٹر ڈوز کی دوسری خوراک کی منظوری اچھا فیصلہ ہے، دوسرے بوسٹر شاٹ کا مقصد شدید بیماری اور ہسپتال میں داخل ہونے کے خلاف مزید تحفظ دینا ہے۔

کیٹ بیڈنگ فیلڈ کا کہنا ہے کہ امریکی صدر جو بائیڈن معالج کے مشورے کے بعد دوسرا بوسٹر شاٹ لگوانے کا فیصلہ کریں گے۔

یہ بھی پڑھیں:    برطانیہ:کاغذی پائونڈ آئوٹ ۔ پلاسٹک کی کرنسی ان