(ویب ڈیسک)معروف ہالی ووڈ اداکار ٹام کروز نے اپنی نئی فلم ’ٹاپ گن ماویرک‘ کا نیا ٹریلر شیئر کردیا۔اداکار نے اپنے آفیشل اکاؤنٹ انسٹاگرام پر فلم کا نیا ٹریلر شیئر کرتے ہوئے لکھا کہ یہ ’ٹاپ گن ماویرک‘ کا نیا ٹریلر ہے، تھیٹر میں ملتے ہیں۔
فلم کے اس ٹریلر کو انسٹاگرام پر صرف 16 گھنٹوں میں 8 لاکھ 34 ہزارسے زائد لوگ دیکھ چکے ہیں،ٹام کروز کے مداح ان کی فلم ’ٹاپ گن ماویرک‘ کو سنیما گھروں میں دیکھنے کے لئے بے چین ہیں۔ایک صارف نے کہا کہ فلم کے اور کتنے ٹریلرز ہیں، آخر فلم کہاں ہے۔
واضح رہے کہ فلم ’ٹاپ گن ماویرک‘ 1986 میں ریلیز ہونے والی فلم ’ٹاپ گن‘ کا سیکوئل ہے جبکہ فلم کے اس سیکوئل میں ٹام کروز کی بطور نڈر فائٹر پائلٹ اپنے کیرئیر کے آغاز کے 30 سال سے زائد عرصے کے بعد واپسی دِکھائی گئی ہے۔
یہ بھی پڑھیں: ڈالر کی قیمت میں ریکارڈ اضافہ