(24نیوز) نئی میگا بجٹ فلم ’منی بیک گارنٹی‘ کے آفیشل ٹریلر کو جاری کر دیا گیا ہے۔
فلم کی خاص بات یہ ہے کہ پاکستانی کرکٹ ٹیم کے سابق کپتان وسیم اکرم اور ان کی اہلیہ شہنیرا اکرم ڈیبیو دے رہے ہیں۔
فواد خان گزشتہ سال ریلیز ہونے والی سپر ہٹ پاکستانی فلم ’دی لیجنڈ آف مولا جٹ‘ کے مقابلے ’منی بیک گارنٹی‘ میں بالکل مختلف کردار ادا کریں گے۔ فلم میں ایک پختون کا کردار اداکار میکال ذوالفقار ادا کر رہے ہیں۔
منی بیک گارنٹی 7 افراد کی زندگیوں کے گرد گھومتی ہے۔ فلم کے ہدایت کار معروف کمرشل ڈائیریکٹر فیصل قریشی ہیں۔
مزید پڑھیں: کیا ٹوئٹر کے پاس وی آئی پی صارفین کی کوئی لسٹ ہے؟
فلم کے ٹریلر میں اندازہ لگایا جا سکتا ہے کہ فلم کی کہانی ڈکیتی کی واردات پر مبنی ہے۔
واضح رہے کہ یہ فلم سنہ 2020 میں ریلیز ہونی تھی لیکن کورونا وائرس کی وجہ سے فلم کی ریلیز تاخیر کا شکار ہوئی تاہم اب یہ فلم رواں سال عید الفطر پر ریلیز ہوگی۔