پاکستان سے پہلی بار سیریز جیتنے کے بعد افغان کھلاڑیوں نے کیا تحفہ دیا؟

(ویب ڈیسک) پاکستان سے ٹی ٹوئنٹی سیریز جیتنے کے بعد افغانستانی کھلاڑیوں نے پاکستانی کھلاڑیوں کو تحفہ دیا۔

تفصیلات کے مطابق کسی بھی انٹرنیشنل کرکٹ میچ میں پاکستان کو پہلی بار شکست دینے اور تاریخ میں پہلی مرتبہ پاکستان سے سیریز جیتنے کے بعد افغانستان کرکٹ ٹیم کےکھلاڑیوں نے پاکستان کرکٹ ٹیم کے کھلاڑیوں کو تحفہ دیا۔ 

پاکستان کرکٹ بورٖڈ کی جانب سے سماجی رابطے کی ویب سائٹ ٹوئٹر پر آفیشل ٹوئٹر اکاؤنٹ سے ایک ویڈیو شیئر کی گئی جس میں پاکستان اور افغانستان کے درمیان تین ٹی ٹوئنٹی میچوں کی سیریز مکمل ہونے کے بعد دونوں ٹیموں کے کھلاڑی بڑے دوستانہ انداز میں ایک دوسرے کے ساتھ باتیں کر رہے ہیں۔ دونوں ٹیموں کے کھلاڑی میچز کے دوران پیش آنے والے واقعات پر بات چیت کر تے خوشگوار وقت بتا رہے ہیں۔ 

Exchanges between the sides following the completion of the T20I series in Sharjah ????????????????#SpiritOfCricket | #AFGvPAK pic.twitter.com/nfzFCeMOLW

— Pakistan Cricket (@TheRealPCB) March 27, 2023

پی سی بی کی جانب سے شیئر کی جانے والی ویڈیو میں دیکھا جا سکتا ہے کہ افغان کھلاڑیوں نے پاکستانی کھلاڑیوں کو تحفے کے طور پر ایک ایک چھوٹا لکڑی کا ڈبہ دیا۔ 

مزید پڑھیں: بھارت کے انکار کی صورت میں قومی ٹیم کا بھارت جانا بھی حکومتی اجازت سے مشروط ہوگا، نجم سیٹھی

پی سی بی کی جانب سے شیئر کی جانے والی ویڈیو کو ری ٹوئٹ کرتے ہوئے افغانستان کرکٹ بورڈ نے وضاحت کی کہ پاکستانی کھلاڑیوں کی جانب سے کھیل کے میدان میں اور کھیل کے میداں سے باہر اسپورٹس مین شپ اور  جذبہ خیر سگالی کا مثالی مظاہرہ کیا جس پر افغانستان کی جانب سے مشہور افغان زعفرانی چائے تحفے میں دی گئی۔ 

Sportsmanship and goodwill on display as AfghanAtalan gift famous Afghan saffron tea to the Pakistan players after the T20I series. A gesture of respect and camaraderie on and off the field. ???????? https://t.co/DsqOhv485L

— Afghanistan Cricket Board (@ACBofficials) March 28, 2023

واضح رہے کہ شارجہ میں ہونے والی حالیہ ٹی ٹوئنٹی سیریز افغانستان نے 2-1 سے اپنے نام کی ہے۔ اس قبل افغانستان نے کبھی بھی کسی انٹرنیشنل مقابلے میں پاکستان کو نہیں ہرایا تھا۔