ون ڈے نہیں ، پاکستان میں ٹی ٹونٹی سیریز ہی کھیلیں گے: بنگلہ دیش بورڈ نے تصدیق کر دی

(24 نیوز)بنگلہ دیش کرکٹ بورڈ نے دورہ پاکستان میں ون ڈے میچز نہ کھیلنے کی تصدیق کردی۔

بنگلہ دیش کرکٹ بورڈ کے آفیشل کے مطابق فیوچر ٹور پروگرام کی سیریز ٹی ٹونٹی میچز پر مشتمل ہوگی، اس سیریز میں ون ڈے میچز نہیں ہوں گے بلکہ تمام ٹی ٹونٹی میچز ہوں گے۔

اس حوالے سے کہا گیا ہے کہ یہ فیصلہ ٹی ٹونٹی ایشیا کپ اور ٹی ٹونٹی ورلڈ کپ کی تیاری کی وجہ سے کیا گیا ہے۔

یاد رہے کہ ایشیا کپ 2025ء کی میزبانی بھارت نے کرنی ہے جبکہ ٹی ٹونٹی ورلڈ کپ 2026ء کے بھارت اور سری لنکا مشترکا میزبان ہیں۔

مزید پڑھیں:آئی پی ایل: ہاردک پانڈیا کو 12 لاکھ کا جرمانہ بھگتنا پڑگیا

اس سے قبل بنگلادیش کے دورہ پاکستان میں 3 ون ڈے اور 3 ٹی ٹونٹی میچز شامل تھے تاہم اب سیریز 5 ٹی ٹونٹی میچز پر مشتمل ہوگی۔

بنگلادیش کرکٹ ٹیم نے مئی میں پاکستان کا دورہ کرنا ہے جبکہ پاکستان ٹیم جولائی میں بنگلادیش کا دورہ کرے گی جہاں 3 ٹی ٹونٹی میچز ہوں گے۔

اس اضافی سیریز کا فیصلہ دونوں کرکٹ بورڈز کے حکام نے چیمپئنز ٹرافی کے دوران ملاقات میں کیا تھا۔

پاکستان اور بنگلادیش کے درمیان ٹی ٹونٹی میچز 20، 22 اور 24 جولائی کو کھیلے جائیں گے۔