(24 نیوز )وزیرداخلہ محسن نقوی کی باغ آزاد کشمیر میں شہید میجر سعد بن زبیر کی رہائش گاہ آمد،محسن نقوی نے شہید میجر سعد کے والد ،والدہ،بھائی اور دیگر اہل خانہ سے ملاقات کی۔
وزیرداخلہ محسن نقوی نے باغ آزاد کشمیر میں شہید میجر سعد بن زبیر کی رہائش گاہ پر انکے والد ،والدہ،بھائی اور دیگر اہل خانہ سے ملاقات کی،محسن نقوی نےجواں سال بیٹے کی شہادت پر گہرے دکھ اور افسوس کا اظہار کیا، محسن نقوی نے شہید میجر سعد بن زبیر کی بہادری کو زبردست الفاظ میں خراج عقیدت پیش کیا،انہوں نے شہید میجر سعد کیلئے فاتحہ خوانی کی اور سوگوار خاندان کے صبر جمیل کی دعا کی۔
یہ بھی پڑھیں:مریم نواز کا چاند رات اور عید پر فول پروف سکیورٹی انتظامات کا حکم
اس موقع پر محسن نقوی نے کہا کہ شہید میجر سعد بن زبیر نے شہادت کا عظیم رتبہ پایا،قوم کو لازوال قربانی پر ناز ہے،میجر سعد جیسے بہادر سپوت قوم کا ناقابل فراموش سرمایہ ہیں،شہید میجر سعد کے بلند حوصلہ والدین کو دیکھ کر ہمارا عزم مزید مضبوط ہوا ہے،شہید میجر سعد کے والدین کا جذبہ قابل ستائش اور قابل فخر ہے۔
ہمارا ایمان ہے کہ شہید ہمیشہ زندہ رہتے ہیں اورشہید میجر سعد ہمیشہ ہمارے دلوں میں زندہ رہیں گے، میجر سعد بن زبیر چند روز قبل ژوب کے علاقے سمبازہ میں شہید ہوئے تھے