"عیداں آئیاں" کی مقبولیت،میگھا کا نیا گانا"جند ماہی"عید پرریلیز ہوگا

(ویب ڈیسک)معروف گلوکارہ میگھا کا گانا"عیداں آئیاں" کی مقبولیت کے بعد نیا گانا"جند ماہی" عید پرریلیز ہوگا۔

گلوکارشاہد علی خان کے گانے"جند ماہی" میں میگھا نے اداکاری کے جوہر دکھائے ہیں،گانے کی ویڈیو میں ماڈل آغا فہد علی بھی نظر آئیں گے۔

گلوکارہ میگھا نے کہا ہے کہ شاہد علی خان کے گانے کی شوٹنگ کینیڈا اور پاکستان میں کی گئی ہے، شاہد علی خان نصرت فتح علی خان کے باقاعدہ شاگرد ہیں۔میں نے اس گانے میں کافی عرصے بعد اداکاری کی ہے،عید سے پہلے اپنے گانے"عیداں آئیاں" کی مقبولیت پر اللہ تعالیٰ کے بعداپنےمداحوں کی شکر گزار ہوں، میری ٹیم میں وقاص علی اور ذیشان جانو شامل ہیں۔

یہ بھی پڑھیں:مہوش حیات نے بہن کے ساتھ عمرے کی سعادت حاصل کرلی

میگھانے کہاکہ میرا کسی سے کوئی مقابلہ نہیں،میرا مقابلہ خود میگھا سے ہے،کوشش ہوتی ہے کہ کچھ نیا کروں، مذید کچھ نئے ویڈیوگانے بھی پائپ لائن میں ہیں۔