آئی جی کا چاند رات پر پبلک مقامات پر سیکیورٹی ہائی الرٹ کرنے کا حکم

(اسرار خان) آئی جی پنجاب ڈاکٹر عثمان انور نے چاند رات پر لاہور سمیت صوبہ بھر کی سکیورٹی مزید سخت کرنے کے احکامات جاری کر دئیے۔آئی جی پنجاب نے ہدایات جاری کرتے ہوئے کہا کہ مارکیٹوں اور تفریحی مقامات پر تعینات افسران و اہلکار انتہائی چوکس رہیں۔

ترجمان پنجاب پولیس کے مطابق چاند رات پر لاہور سمیت صوبہ کے تمام اضلاع میں 21 ہزار سے زائد افسران و اہلکار تعینات ہیں، چاند رات پر صوبائی دارالحکومت لاہور میں 4 ہزار پولیس افسران و اہلکار سیکیورٹی کے فرائض انجام دے رہے ہیں۔

لیڈیز پولیس سکواڈ، ڈولفن سکواڈ، پی آر یو، ایلیٹ ٹیمیں مارکیٹوں، اہم مقامات کے گرد موثر پٹرولنگ کرنے کی ہدایت جاری کی گئی۔

آئی جی پنجاب کے مطابق ہوائی فائرنگ، ون ویلنگ اور ہلڑ بازی پر زیرو ٹالرنس ہے، مارکیٹوں، بازاروں، تفریحی مقامات پر خواتین کو ہراساں کرنے والے اوباشوں کے خلاف فوری ایکشن لیں۔

ڈاکٹر عثمان انور نے کہا کہ سیف سٹیز اتھارٹی کے کنٹرول رومز سے مارکیٹوں کاروباری مراکز حساس مقامات کی مسلسل مانیٹرنگ کی جائے، آر پی اوز، ڈی پی اوز کو چاند رات پر سکیورٹی انتظامات کا خود  جائزہلیں۔

بین الصوبائی و دریائی چیک پوسٹوں پر پولیس اہلکار دہشت گردوں، ملک دشمن عناصر پر کڑی نظر رکھیں، مارکیٹوں میں رش کے پیش نظر اہم شاہراہوں اور تفریحی مقامات پر ٹریفک کی روانی برقرار رکھنے کے لیے اضافی نفری تعینات کی جائے۔

یہ بھی پڑھیں :ٹونگا میں شدید زلزلہ، ریکٹر اسکیل پر 1۔7شدت ریکارڈ