سیکورٹی خدشات کے باعث عمر ایوب نے سیاسی سرگرمیاں محدود کردیں

(24نیوز)پاکستان تحریک انصاف (پی ٹی آئی) کے رہنما اور قومی اسمبلی میں قائد حزب اختلاف عمر ایوب نے سیکورٹی خدشات کے باعث اپنی سیاسی سرگرمیاں محدود کر دی ہیں۔

عمر ایوب نے اعلان کیا کہ عید ملن کے حوالے سے منعقد کیے جانے والے تمام پروگرام ملتوی کر دیے گئے ہیں۔

انہوں نے کہا کہ صوبائی اور ضلعی انتظامیہ کی ہدایات پر سیکورٹی خدشات کے پیش نظر یہ فیصلہ کیا گیا ہے۔

ذرائع کے مطابق، اپوزیشن لیڈر کی جانب سے عید کے موقع پر عوامی اجتماعات کا انعقاد کیا جانا تھا، تاہم سیکورٹی صورتحال کے پیش نظر انہیں منسوخ کر دیا گیا۔