کینیڈین رکن پارلیمنٹ آن لائن اجلاس میں برہنہ پکڑے جانے پر مستعفی

 (24نیوز) کینیڈین رکن پارلیمنٹ آن لائن اجلاس میں برہنہ نظر آنے پر کچھ عرصے کے لیے اپنی ذمہ داریوں سے سبکدوش ہوگئے۔
میڈیارپورٹس کے مطابق کینیڈین دارالعوام کے رکن ویلیم ایموس پارلیمان کے آن لائن اجلاس کے دوران برہنہ حالت میں کپ کے اندر رفع حاجت کرتے ہوئے پکڑے گئے جس کے بعد انہوں نے کچھ عرصے کے لیے اپنی ذمہ داریوں سے سبکدوش ہونے کا اعلان کیا ہے۔

Please see my statement. Veuillez lire ma déclaration. pic.twitter.com/ICc8WjqNZi

— William Amos (@WillAAmos) May 28, 2021

 ویلیم ایموس کا تعلق کینیڈین وزیراعظم جسٹن ٹروڈو کی جماعت سے ہے جب کہ چند ماہ قبل بھی وہ آن لائن اجلاس کے دوران کینیڈا اور کیوبک کے جھنڈوں کے دوران برہنہ کھڑے نظر آئے تھے۔
کینیڈین رکن پارلیمنٹ ویلیم ایموس نے اپنے بیان میں کہا کہ میں اس حرکت پر انتہائی شرمندہ ہوں اور تمام افراد سے معافی چاہتا ہوں جنہوں نے مجھے اس حالت میں دیکھا، یہ سب کچھ ایک حادثہ تھا مجھے نہیں پتہ تھا کہ کیمرا آن ہے تاہم یہ ایک انتہائی ناقابل قبول عمل ہے، کچھ روز کے لیے میں اپنی ذمہ داریوں سے سبکدوش ہورہا ہوں تاہم اس دوران میرے معاون تمام معاملات دیکھیں گے۔
 یہ بھی پڑھیں۔مادھوری اور جوہی چاؤلہ نے کسی بھی بالی ووڈ سٹار سے شادی کیوں نہیں کی؟ اداکارائوں کے اہم انکشافات