ہالی ووڈ اداکار آرنلڈ شوارزنیگر پاکستانی شائقین کی محبت کے مشکور

(ویب ڈیسک) ہالی ووڈ کے ممتاز اداکار اور معروف امریکی سیاستدان آرنلڈ شوارزنیگر نے پاکستانی شائقین کی محبت پر ان کا شکریہ ادا کیا۔

عالمی شہرت یافتہ اداکار آرنلڈ شوارزنیگر نے شکریہ سماجی رابطوں کی ویب سائٹ ’ٹوئٹر‘ پر جاری کردہ بیان میں ادا کیا ہے۔ آرنلڈ شوارزنیگر نے پاکستانی مداحوں کا شکریہ نئی سیریز ’ فوبر(FUBAR) کے پاکستان میں نیٹ فلکس پر ٹاپ ٹرینڈ بننے پر ادا کیا ہے۔

ایک صارف نے ٹوئٹر پر نیٹ فلکس کے اسکرین شاٹ شیئر کیے تھے جس کے جواب میں ہالی ووڈ اداکار نے اس کو ری ٹوئٹ کیا اور ساتھ ہی لکھا کہ پاکستان میں میرے مداحوں کا شکریہ۔

Thank you to my fans in Pakistan! ???????? https://t.co/EhILLlq4Jt

— Arnold (@Schwarzenegger) May 27, 2023

ہالی ووڈ کے عالمی شہرت یافتہ اداکار اپنی زندگی میں پہلی مرتبہ کسی ٹی وی سیریز میں کام کر رہے ہیں، وہ اس ایکشن کامیڈی اسپائے سیریز کے ایگزیکٹو پروڈیوسر بھی ہیں۔

مزید پڑھیں:  منوج باجپائی کا  اپنی بیٹی سے متعلق دلچسپ تبصرہ

واضح رہے کہ نک اسینٹورا کی ہدایتکاری میں بننے والی سیریزفوبر (FUBAR) کا 25 مئی کو پریمیئر ہوا تھا۔ نیٹ فلیکس کے سبسکرائبرز کی تعداد 20 کروڑ سے تجاوز کر گئی۔

آرنلڈ نے اس سیریز میں لیوک برنر نامی سی آئی اے کے ایک ایسے آفیسر کا کردار ادا کیا ہے جو ریٹائرمنٹ کے قریب ہے لیکن اس کی ریٹائرمنٹ کو روک کر اسے ایک آخری خفیہ مشن سونپا جاتا ہے۔