کوشش ہے بجٹ عوام اور کاروبار دوست بنائیں: اسحاق ڈار کا اعلان

 (24 نیوز) اسحاق ڈار نے کہا ہے کہ کوشش ہے بجٹ عوام اور کاروبار دوست بنائیں، کوشش ہے عوام پر مزید بوجھ نہ ڈالا جائے، ڈیفالٹ نہ ہونے پر پاکستان کے ناقدوں کو مایوس ہونا پڑا۔

View this post on Instagram

A post shared by 24NewsHD.Tv (@24newshd.urdu)

 وزیرخزانہ اسحاق ڈار نے اسلام آباد میں تقریب سے خطاب کرتے ہوئے کہا کہ ملکی حالات سب کے سامنے ہیں، ملک میں اس وقت آئیڈیل صورتحال نہیں ہے، ہمارے دور میں اس وقت روپیہ مستحکم تھا، مالیاتی ادارے معترف تھے، ماضی میں بھی ملک کے دیوالیہ ہونے کی باتیں ہوتی رہیں۔

 اسحاق ڈار کا کہنا تھا کہ مسلم لیگ ن نے گزشتہ دور میں پاکستان کو دنیا کی 24 ویں معیشت بنا دیا تھا، آئی ایم ایف سے معاہدہ بھی پچھلی حکومت نے کیا تھا، پی ٹی آئی حکومت کی ناقص پالیسیوں کے باعث موجودہ حکومت کو سخت فیصلے کرنا پڑے، گزشتہ حکومت نے ماضی کی ترقی کو ریورس کر دیا،  بلیم گیم میں پڑنے کے بجائے ملک کو آگے لے جانا ہے۔