(24 نیوز) پاکستان تحریک انصاف سے لاتعلقی کرنے والے رہنماؤں کی کل پیپلزپارٹی میں شمولیت کا امکان ہے۔ جنوبی پنجاب سے کل پندرہ سے زائد سابق ایم این ایز، ایم پی ایز پیپلز پارٹی میں شمولیت کا اعلان کریں گے۔
ذرائع کے مطابق شمولیت کا اعلان سابق صدر آصف علی زرداری کے ساتھ مشترکہ پریس کانفرنس میں کیا جائے گا۔ آصف علی زرداری کل رات 8 بجے مخدوم ہاؤس ماڈل ٹاؤن میں پریس کانفرنس کریں گے۔ پریس کانفرنس میں سابق وزیر اعظم یوسف رضا گیلانی، مخدوم احمد محمود، سید حسن مرتضی، رانا فاروق اور دیگر بھی شامل ہوں گے۔
پیپلز پارٹی میں شمولیت اختیار کرنے والوں کا تعلق مظفرگڑھ، رحیم یار خان، خانیوال بہاولنگر سے ہے۔ آئندہ چند دنوں تک مرحلہ وار مزید پی ٹی آئی چھوڑنے والے بھی پیپلز پارٹی میں شامل ہوں گے۔