(24 نیوز)سعودی وزیرخارجہ شہزادہ فیصل بن فرحان نے کہا ہے کہ اب دو ریاستی حل کا وقت آگیا ہے فلسطینی ریاست کے قیام سے خطے میں امن بحال ہوگا۔
سعودی وزیر خارجہ میڈرڈ میں عرب وزارتی کمیٹی ارکان کی ھسپانوی وزیراعظم پیڈروسانچیزسے ملاقات کے بعد مشترکہ پریس کانفرنس سے خطاب کررہے تھے انہوں نے کہا کہ فلسطینی ریاست کا قیام امن کا ضامن ہو سکتا ہے، اس کے سوا کوئی راستہ نہیں۔
شہزادہ فیصل بن فرحان نے کہا فلسطینی ریاست کو تسلیم کرنا سپین کا ایک درست اور تاریخی فیصلہ ہے۔
انہوں نے غزہ میں فوری طورپر جنگ بندی کی ضرورت پر پھر زور دیا سعودی وزیرخارجہ نے سپین، ناروے اور آئیرلینڈ کی جانب سے فلسطینیوں کو امید دلانے پرشکریہ ادا کیا اور یقین دہانی کی کہ تینوں ملکوں نے درست وقت پردرست فیصلہ کیا ہے کیونکہ فلسطین میں ایک بڑا انسانی المیے کے سامنا ہے۔
انہوں نے اس امید کا اظہار کیا کہ ہسپانوی اقدام کی دوسرے بھی تقلید کریں گے تاکہ سپین دنیا میں امن اور بقائے باہمی کے حوالے سے امید کی کرن ثابت ہو خاص طور پر اسے وقت جب غزہ کو فوری جنگ بندی اور انسانی بنیادوں پر امداد کی اشد ضرورت ہے۔
یہ بھی پڑھیں:ایرانی فورسز کی فائرنگ،4پاکستانی جاں بحق، 2 زخمی
اس موقع پر اردنی وزیر خارجہ ایمن الصفدی نے بھی سپین کی طرف سے فلسطینی ریاست کو تسلیم کرنے کے فیصلہ کو تاریخی اقدام قرار دیا۔
انہوں نے کہا کہ اسرائیل مسلسل بین الاقوامی قوانین کی خلاف ورزی جاری رکھے ہوئے ہے، غزہ میں جنگ کا خاتمہ ضروری ہے، دو ریاستی حل کو آگے بڑھانے کا وقت آگیا۔