پاکستان انگلینڈ ٹی 20 سیریز ،آخری میچ بھی بارش سے متاثر ہونے کا امکان
Stay tuned with 24 News HD Android App
(24 نیوز ) پاکستان اور انگلینڈ کے درمیان سیریز کا چوتھا اور آخری ٹی 20 میچ بھی بارش کے باعث متاثر ہونے کا خدشہ ہے ۔
تفصیلات کے مطابق آج لندن کے اوول گراؤنڈ میں پاکستان اور انگلینڈ کے درمیان چوتھا اور آخری ٹی 20 میچ کھیلاجائیگا جس کیلئے دونوں ٹیموں نے خوب پریکٹس کر رکھی ہے انگلینڈ آج کا میچ کھیل کر سیریز میں وائٹ واش کرنا چا رہا ہے جبکہ پاکستان یہ میچ جیت کر حساب چکتا کرنا چاہ رہا ہے لیکن بارش اپنا کھیل کھیلنے کیلئے تیار ہے ۔
پاکستانی وقت کے مطابق میچ کا آغاز رات ساڑھے 10 بجے ہوگا لیکن بارش کی وجہ سے چوتھا ٹی ٹوئنٹی بھی متاثر ہونے کا امکان ہے، دی ویدر چینل نے لندن میں بارش کے 42 فیصد امکانات کی پیش گوئی کی ہے،اس سے قبل 22 مئی کو لیڈز میں ہونے والا سیریز کا پہلا میچ جبکہ 28 مئی کو کارڈف کے صوفیہ گارڈنز میں ہونے والا تیسرا ٹی 20بھی بارش کی وجہ سے منسوخ کر دیا گیا تھا ، 25 مئی کو دوسرے ٹی ٹوئنٹی میں انگلینڈ نے پاکستان کو 23 رنز سے شکست دے کر سیریز میں 0-1 کی برتری حاصل کی تھی۔
یہ بھی پڑھیں : پاکستان نے آسٹریلیاکو وائٹ واش کر دیا