جیمزبانڈ کابھارتی مداح ، نمبر007 لینے کیلئے لا کھوں اڑا ڈالے

 (24نیوز)جیمز بانڈ007 کے مداح یو ں تو پو ری دنیا میں ہیں مگر ایک بھارتی ایسا دیوا نہ ہے کہ اپنی گاڑی کے رجسٹریشن نمبر کے طور پر007لینے کے لیے اتنی رقم خرچ کر ڈالی کہ سن کر آدمی دنگ رہ جائے۔
 تفصیلات کے مطا بق احمد آباد کے رہائشی اس آدمی کا نام اشیک پٹیل ہے جس نے اپنی گاڑی کا نمبر GB 007لینے کے لیے 34لاکھ بھارتی روپے (تقریباً 73لاکھ 29ہزار پاکستانی روپے)اڑا ڈالے۔ اشیک نے اس نمبر کی رجسٹریشن احمدآباد ریجنل ٹرانسپورٹ آفس سے کروائی۔ اشیک کا کہنا تھا کہ ”میرے پاس ایک ہی گاڑی ہے جس کے لیے میں نے یہ نمبر خریدا۔ لوگوں کے لیے یہ محض ایک نمبر ہو گا لیکن میرے لیے یہ نمبر سے بڑھ کر ہے کیونکہ میرا عقیدہ ہے کہ یہ نمبر میرے لیے خوش قسمتی کا سبب بنتا ہے۔ “ واضح رہے کہ اشیک نے یہ نمبر بولی جیت کر خریدا۔ اس نمبر کی بولی 25ہزار بھارتی روپے سے شروع ہوئی تھی۔اصلی جیمز با نڈ کیلئے یہ خبر باعث فخر ہو گی کہ دنیا بھر میں اس کے مدا ح مو جو د ہیں۔