فٹبال ورلڈ کپ: ناک آؤٹ مرحلے کیلئے جنگ، آج 3 ٹیموں کا فیصلہ ہوگا

(ویب ڈیسک) قطر میں جاری فٹبال ورلڈ کپ کے ناک آؤٹ مرحلے پری کوارٹر فائنل کے کون ٹکٹ کٹائے گا آج کھیلے جانے والے میچز میں تین ٹیموں کا فیصلہ ہوگا۔

قطر میں جاری دنیا کے سب سے بڑے کھیل فٹبال کے عالمی کپ کے سنسنی خیز مقابلے جاری ہیں اور ٹیموں کی ناک آؤٹ مرحلے پری کوارٹر فائنل کے لیے میدانوں میں جنگ جاری ہے۔ 5 ٹیمیں پری کوارٹر فائنل تک رسائی حاصل کرچکی ہیں آج شیڈول چار میچز میں مزید تین ٹیموں کا فیصلہ ہو جائے گا۔

یہ بھی پڑھیے: انگلینڈ اور ویلز کے معرکے کے دوران برطانیہ کی سڑکیں سنسان

آج شب 8 بجے آسٹریلیا کی ٹیم ڈنمارک سے ٹکرائے گی۔ فتح کینگروز کو پری کوارٹر فائنل کا ٹکٹ دلائے گی۔ تیونس کو فرانس کے چیلنج کا سامنا ہوگا جب کہ میسی کی ارجنٹائن اور لیون ڈوسکی کی پولینڈ میں رات 12 بجے جوڑ پڑے گا۔ ان میچز کو جیتنے والی ٹیمیں اگلے مرحلے میں پہنچ جائیں گی۔

ان میچوں میں ہارنے والی ٹیم کے مستقبل کا فیصلہ سعودی عرب اور میکسیکو کے میچ پر منحصر ہوگا۔