(ویب ڈیسک)گاڑی مالکان کیلئے خوشخبری آ گئی،بڑا مسئلہ حل ہو گیا،محکمہ ایکسائز نے گاڑیوں کے رجسٹریشن کارڈ کی فراہمی میں تاخیر سے نمٹنے کیلئے ورچوئل سمارٹ کارڈ متعارف کروانے کا فیصلہ کر لیا۔
محکمہ ایکسائز کی جانب سے گاڑی مالکان کو فوری طور پرآن لائن سمارٹ کارڈ فراہم کر دیا جائے گا ،محکمہ نے فزیکل کارڈز کی پروسیسنگ میں ایک ماہ تک کی ممکنہ تاخیر کو تسلیم کیا، اس کی وجہ ٹینڈرنگ کے عمل میں مسائل ہیں۔
محکمہ کی جانب سے عوام کو یقین دلایا ہے کہ وہ اس عمل کو تیز کرنے کیلئے کام کر رہا ہے اور بشمول ورچوئل سمارٹ کارڈ کے متبادل حل تلاش کر رہا ہے،اس سلسلے میں محکمے نے ورچوئل سمارٹ کارڈ اسکیم کے نفاذ کیلئے منظوری کیلئے صوبائی حکومت کو باضابطہ درخواست جمع کرادی ہے۔
یہ بھی پڑھیں: طیارہ سمندر میں گر گیا
ورچوئل سمارٹ کارڈز میں فزیکل کارڈز جیسی تمام معلومات شامل ہوں گی،منظوری کے بعد گاڑیوں کے مالکان رجسٹریشن کے مطلوبہ طریق کار کو مکمل کرکے اپنے ورچوئل سمارٹ کارڈ آن لائن حاصل کر سکیں گے۔ ان کارڈز کو محکمہ ایکسائز کی آفیشل ویب سائٹ سے باآسانی ڈاؤن لوڈ کیا جا سکتا ہے۔
یہ بھی پڑھیں: مہنگے پٹرول سے پریشان افراد کی سنی گئی،ہونڈا نے بڑااعلان کر دیا