(ویب ڈیسک) تیلگو اور تامل فلموں کی معروف اداکارہ سمانتھا رتھ پربھو کے والد جوزف پربھو انتقال کر گئے۔
بھارتی میڈیا کے مطابق سمانتھا نے اس افسوسناک موقع پراپنے جذبات کا اظہارانسٹاگرام اسٹوریز پر کیا اور ایک دکھ بھرے پیغام میں لکھا: "ہمارے دوبارہ ملنے تک ڈیڈ" ساتھ میں اداکارہ نےدل کے ایموجی کا استعمال بھی کیا۔
اداکارہ کی جانب سے والد کی موت کی وجہ نہیں بتائی گئی،تاہم میڈیا رپورٹس میں بتایا گیا ہے کہ جوزف پربھو کئی دنوں سے علیل تھے۔
واضح رہے کہ 37 سالہ سمانتھا کے والد جوزف ایک تیلگو اینگلو انڈین تھے اور بیٹی کی پرورش میں ان کا اہم کردار رہا ہے۔
جوزف پربھو کے انتقال پر سمانتھا کے مداحوں اور قریبی دوستوں کی جانب سے تعزیت کا اظہار کیا جارہا ہے۔