بھائی کی ضمانت کے بعد سہانا خان کو آیا والد  پر لاڈ۔۔بڑی بات کہہ دی

(ما نیٹر نگ ڈیسک) آریان کی ضمانت ملنے کے بعد بہن سہانا نے انسٹاگرام پر ایک خصوصی تصویر کے ذریعے اس خوشی کا اظہار کیا ہے۔ تصویر کے ساتھ انہوں نے انتہائی خاص انداز میں صرف تین الفاظ لکھ کر اپنی محبت کا اظہار کیا جو اب سوشل میڈیا پر خوب وائرل ہو رہا ہے۔

تفصیلات کے مطابق  سہانا خان سوشل میڈیا پر کافی ایکٹو رہتی ہیں تاہم منشیات کیس میں اپنے بھائی کی گرفتاری کے بعد انہوں نے سوشل میڈیا سے کچھ دوری اختیار کرلی تھی لیکن بھائی کی ضمانت ہونے کے بعد انہوں نے اپنے بچپن کے دنوں کو یاد کرتے ہوئے ایک خاص تصویر شیئر کی ہے۔اس تصویر میں شاہ رخ خان اپنے بیٹے آریان اور بیٹی سہانا کے ساتھ مستی کرتے نظر آ رہے ہیں۔  انہوں نے اس پوسٹ کو کیپشن دیا، 'میں تم سے پیار کرتی ہوں۔' سہانا کے دوست اس پوسٹ پر خوب تبصرے کر رہے ہیں۔

یاد رہے کہ آریان کی ضمانت کے بعد ان کےچھوٹے بھائی ابرام خان  اور بہن سہانا خان  کافی خوش ہیں۔ سہانا خان کی ایک پوسٹ کے ساتھ ابرام کا ایک ویڈیو سوشل میڈیا پر تیزی سے وائرل ہو رہا ہے، جس میں وہ خوشی سے اپنے والد شاہ رخ خان کے انداز کو کاپی کرتے ہوئے دکھائی دے رہے ہیں۔

ضمانت کی خبر سامنے آنے کے بعد مداح شاہ رخ خان کے بنگلے کے باہر جمع ہوگئے۔ بڑے بھائی کے جلد گھر آنے کی خبر جیسے ہی ننھے ابرام خان کو ہوئی وہ خوشی سے جھومتے ہوئے بالکنی میں پہنچ گئے اور گھر کے باہر جمع ہوئے مداحوں اور میڈیا کی طرف سے پاپا شاہ رخ خان کی طرح ہاتھ ہلاتے ہوئے نظر آئے۔

یہ بھی پڑھیں:معروف اداکارہ کے بالوں میں سالگرہ کا کیک کاٹتے آگ لگ گئی ۔۔ویڈیو وا ئرل