23 سال چھوٹی اداکارہ کے ساتھ ہیرو کارول کرنے والے رجنی کانت کے جھڑے بالوں کا کس نے اڑایا تھا مذاق؟جانیے

(مانیٹر نگ ڈیسک)23 سال چھوٹی ایشوریہ رائے کے ساتھ کام کرنے پر رجنی کانت کے پڑوسی نے بنایا تھا ان کے جھڑے بالوں کا مذاق۔

تفصیلات کے مطابق اداکار رجنی کانت کا ایک پرانا قصہ وائرل ہو رہا ہے، جو کہ انہیں اور ایشوریہ رائے کے ساتھ کام کرنے سے جڑا ہے۔ دراصل، ایک شخص نے اداکار کے جھڑے بالوں کو لے کر ان کا مذاق بنایا تھا۔

 دراصل، رجنی کانت کے جھڑے بالوں کو لے کر مذاق تب بنا، جب وہ خود سے 23 سال چھوٹی ایشوریہ رائے  کے ساتھ فلم ’روبوٹ‘ میں کام کر رہے تھے۔

اس فلم میں اداکارہ نے ان کی گرل فرینڈ کا رول پلے کیا تھا۔ ناظرین کو دونوں کے درمیان کی کیمسٹری کافی پسند بھی آئی تھی۔

اداکار نے خود کے مذاق بنانے کا قصہ ملائشیا میں فلم کے آڈیو لانچ کے دوران سنایا تھا۔ اس دوران انہوں نے بتایا تھا کہ کیسے ان کے پڑوسی نے بال جھڑنے اور ایشوریہ رائے کے ساتھ کام کرنے پر ان کا مذاق بنایا تھا۔ جب اس پڑوسی نے اداکار کے جھڑے بالوں کا مذاق بنایا تو رجنی کانت بھی اسے جواب دینے سے پیچھے نہیں رہے۔ انہوں نے فوراً کہا کہ ’بال تو سارے چلے گئے‘۔

اس کے علاوہ رجنی کانت نے بتایا تھا کہ ایک شخص کو انہوں نے بتایا تھا کہ وہ ایشوریہ رائے کے ساتھ ایک فلم میں کام کر رہے ہیں۔ اتنا سننے کے بعد وہ انہیں 10 منٹ تک تو پہلے گھورتا رہا تھا۔ بعد میں اداکار نے اسے کہتے ہوئے سنا تھا کہ ایشوریہ رائے، ابھیشیک اور امیتابھ بچن کو کیا ہوگیا ہے کہ وہ ان کی ہیروئن بن رہی ہیں۔

واضح رہے کہ بھلے ہی ایشوریہ رائے اور رجنی کانت کے بیچ عمر کا فاصلہ زیادہ ہے، لیکن فلم میں اس کا بالکل بھی اثر نہیں پڑا تھا اور یہ بلاک بسٹر رہی تھی۔

 اداکارہ بھی جانتی ہیں کہ رجنی کانت ان سے کتنے سینئر ہیں۔ وہ ان کا بہت ہی احترام کرتی ہیں۔ ایک بار تو انہوں نے رجنی کانت کے سب کے سامنے بغیر شرمائے پیر بھی چھو لئے تھے، جس کے بعد لوگوں نے ان کی تعریف بھی کی تھی۔

یہ بھی پڑھیں:معروف اداکارہ کے بالوں میں سالگرہ کا کیک کاٹتے آگ لگ گئی ۔۔ویڈیو وا ئرل