(ویب ڈیسک)’چولی کے پیچھے کیاہے‘بالی ووڈ کا معروف گانا ہے جس پر کئی بار ڈیوٹ بنے ہیں اور متعدد بار معروف سوشل میڈیا انفلونسرز نے رقص بھی کیا ہے،اس بار بھارتی پنجابی سپر اسٹار گلوکار اور اداکار دلجیت دوسانج اس گانے کی وجہ سے موضوع بحث ہیں۔ان کی ایک ویڈیو سوشل میڈیا پروائرل ہے اور نیوز چینل پرخبروں کی زینت بنے ہوئے ہیں۔
دلجیت دوسانج سوشل میڈیا پر اکثر متحرک رہتے ہیں ، ان کی مقبولیت کا انداز اس بات سے بھی لگایا جاسکتا ہے کہ حال ہی میں وہ برطانیہ کے شہرمانچسٹر میں کنسرٹ کرکے آئے ہیں جہاں ان کے مداحوں کا جم غفیر امڈ آیا.
یہی ہی نہیں انہوں نے وہاں اسٹیج پر ایک خاتون کو بلایا جس سے پوچھا آپ کہاں سے ہیں تو خاتون نے جواب دیا کہ میرا تعلق پاکستان ہے، بھارتی گلوکار کا کہنا تھا کہ ہمارے لیے پاکستان اور ہندوستان دونوں برابر ہیں،ہم دونوں کی دل سے عزت اور محبت کرتے ہیں، بھارتی گلوکار کی اس محبت کو دیکھ کر پاکستانی اور ہندوستانی سوشل میڈیا بھی تعریف کئے بغیر نہ رہ سکے۔
سوشل میڈیا دلجیت دوسانج کی نئی ویڈیو وائرل ہوئی جو کہ ان ہی کے انسٹاگرام اکاؤنٹ سے شیئر کی گئی، ویڈیو میں دکھایا گیا ہے کہ مسافر طیارے کو ڈھانپا ہوا ہے اور دلجیت اس سے پردہ ہٹاتے ہیں جس پر ان کا نام اور تصاویر بنی ہوئی ہیں، جہاز کے اندورنی حصے میں بھی ایسا ہی منظر ہے۔
بعدازاں انہیں مشہور گانے جو کہ ان ہی کی آواز میں ہے ’ چولی کے پیچھے کیا ہے‘پر ایئرہوسٹس کے ساتھ ڈانس کرتے دیکھا جاسکتا ہے۔