کاشف نثار فوادخان اورعالیہ بھٹ کے ساتھ کام کرنے کے خواہش مند

(ویب ڈیسک)معروف ڈائریکٹر کاشف نثار نے فوادخان اورعالیہ بھٹ کے ساتھ کام کرنے کی خواہش کااظہارکردیا۔

معروف ہدایتکار کاشف نثار عفت عمر کی پوڈکاسٹ میں بطور مہمان شریک ہوئے جہاں میزبان نے ان سے سوال کیا کہ وہ مستقبل میں کس کے ساتھ کام کرنا چاہتے ہیں،اس پر کابلی پلاؤ اور  رانجھا رانجھا کردی جیسے مقبول ڈراموں کے ہدایتکار کا کہنا تھا کہ ان کی بڑی خواہش ہے کہ وہ عالیہ بھٹ کے ساتھ کام کریں،عالیہ جس طرح کردار نبھاتی ہیں وہ متاثر کن ہے، وہ اسکرپٹ کو اچھی طرح سمجھتی ہے اور جانتی ہے کہ کس کردار کو کس طرح نبھانا ہے،وہ جانتی ہے کہ کون سا ایکسپریشن کب استعمال کرنا ہے، عالیہ ذہین لڑکی ہے۔

مرد اداکارکے حوالے سے سوال کے جواب میں معروف ڈائریکٹر نے کہا میں فواد خان کے ساتھ کام کرنا چاہتا تھا، لیکن مجھے کبھی موقع نہیں ملا۔

عفت عمر نے کاشف نثار سے ان کے بہترین کام کے حوالے سے سوال کیا تو ہدایتکار کا کہنا تھا کہ مجھے اپنا کوئی بھی کام پسند نہیں کیونکہ جب میں اسے چھ ماہ بعد دیکھتا ہوں تو وہ اچھا نہیں محسوس ہوتا۔

کاشف نثار کا مزید کہنا تھا کہ حال ہی میں جس پروجیکٹ کا انہوں نے مزہ لیا وہ "کابلی پلاؤ" تھا،مجھے زندگی نگر میں سہیل احمدکے ساتھ طویل عرصے کے بعد کام کرنے کا مزہ آیا،مجھے "من جوگی" بھی بہت پسند آیا، مجھے اس طرح کے پراجیکٹس میں کام کرنا پسند ہے۔

کاشف نثارفصیل جان سے آگئے، میں، اے رنگریزہ، رقیب سے، زندگی نگر، کابلی پلاؤ، اور من جوگی جیسے ڈراموں کی ہدایات دے چکے ہیں۔