پاکستانی معروف اداکار نے ٹی وی انڈسٹری کو خیر باد کیوں کہا؟ بڑا انکشاف

(ویب ڈیسک )پاکستانی اسٹار فواد خان نے ٹیلی ویژن اسکرین کو خیرباد کہہ دیا کیوںکہ وہ اب خود کو ٹی وی پر کام کرنے کے لیے مناسب نہیں سمجھتے۔اداکار کو پاکستانی ٹی وی اسکرین پر ناصرف پاکستانی ناظرین نے پسند کیا بلکہ اُنہیں سرحد پار بھارت میں بھی اپنی شاندار اداکاری کی وجہ سے بہت مقبولیت حاصل ہوئی، جس کے بعد اُنہوں نے بالی ووڈ میں بھی اپنی قسمت کو آزمایا۔

تفصیلات کے مطابق اُنہوں نے اپنے ایک حالیہ انٹرویو میں ٹی وی اسکرین پر غیر موجودگی کے بارے میں بات کرتے ہوئے کہا کہ’اب میرے لیے ٹی وی ڈراموں میں واپس آنا مشکل ہے کیونکہ مجھے لگتا ہے کہ میری عمر زیادہ ہوگئی ہے اور زیادہ تر ٹیلی ویژن پروگرامز نوجوانوں کی زندگی کی کہانیوں پر مبنی ہیں‘۔اُنہوں نے کہا کہ’ مجھے لگتا ہے کہ ٹیلی ویژن اسکرین ہماری نوجوان نسل کے لیے ہے، اس لیے میرا اب ٹی وی اسکرین پر واپسی کا کوئی ارادہ نہیں ہے‘۔ 

فواد خان اب تک کئی بالی ووڈ فلموں میں کام کرچکے ہیں اور آج ان کا شمار بھارتی فلم انڈسٹری کے نامور چہروں میں ہوتا ہے۔ جب فواد خان بالی ووڈ میں اپنی قسمت آزمانے کے لیے ممبئی گئے تو پاکستانی ٹی وی اسکرین سے اُوجھل ہوگئے۔

 فواد خان نے ٹیلی ویژن اسکرین سے اداکاری کی دنیا میں قدم رکھا اور پاکستانی ٹیلی ویژن انڈسٹری کو کئی بلاک بسٹر ڈرامے دیے جوکہ آج بھی مداحوں کی جانب سے پسند کیے جاتے ہیں۔ان کے مشہور ڈراموں میں ہم سفر، زندگی گلزار ہے، اور کئی ڈرامے دیے جن کی وجہ سے وہ ٹی وی انڈسٹری میں ہمیشہ کے لیے امر کر لیا ہے۔