(ویب ڈیسک) پاکستان کرکٹ ٹیم کو گزشتہ روز وارم اپ میچ میں نیوزی لینڈ کے ہاتھوں شکست کے بعد اب نائب کپتان شاداب خان کیلئےبری خبرآ گئی ہے ۔
ورلڈکپ کے آغاز سے چند روز قبل قومی ٹیم کے نائب کپتان شاداب خان کی پھپھو انتقال کر گئی ہیں،قومی ٹیم کے نائب کپتان کی جانب سے سوشل میڈیا پر جاری پیغام میں بتایا گیا کہ ابھی سنا ہے کہ پھپھو کا انتقال ہو گیا ہے، تمام لوگوں سے ان کی مغفرت کے لیے دعاؤں کی درخواست ہے۔
واضح رہے کہ پاکستان کرکٹ ٹیم اس وقت بھارت میں موجود ہے جبکہ شاداب خان ٹیم کے نائب کپتا ن کے طور پر ذمہ داریاں سر انجام دے رہے ہیں ،پاکستان آئی سی سی ورلڈکپ میں اپنے سفر کا باقاعدہ آغاز 6 اکتوبر کو نیدر لینڈ کے خلاف میچ سے کرے گا لیکن اس سے قبل ہی شاداب خان کے لیے ایک انتہائی افسوسناک خبر سامنے آئی ہے۔