نوازشریف کی وطن واپسی ، قانونی ٹیم کالاہور ہائیکورٹ میں حفاظتی ضمانت دائر کرنے کا فیصلہ

(راﺅ دلشاد)وطن واپسی کے معاملے پر قانونی ٹیم نے مسلم لیگ ن کے قائد نواز شریف ، شہباز شریف اور مریم نواز سے تفصیلی مشاورت مکمل کرلی ۔
ذرائع کا کہنا ہے کہ قانونی ٹیم نے لیگی قیادت کی باہمی رضامندی سے اپنی حکمت عملی کو حتمی شکل دے دی،قائد نواز شریف کی وطن واپسی سے 2 روز قبل لاہور ہائیکورٹ میں حفاظتی ضمانت کی درخواست دائر کی جائے گی، قانونی ٹیم کو لاہور ہائیکورٹ سے 3 سے 7 روز کی حفاظتی ضمانت ملنے کا یقین ہے،حفاظتی ضمانت کی وجہ سے قانون نافذ کرنے والے ادارے نواز شریف کو ایئرپورٹ پر گرفتار نہیں کر سکیں گے۔
قانونی ٹیم کا کہنا ہے کہ حفاظتی ضمانت لینے پر نواز شریف کو وطن واپسی پر فوری طور پر جیل بھی نہیں جانا پڑے گا،نواز شریف وطن واپسی پر جلسہ کرنے کے بعد سوموار کو اسلام آباد کی عدالت میں سرنڈر کر دینگے،نواز شریف کو جس کیس میں سزا ہوئی ہوئی ہے، اس کیس میں مریم نواز باعزت بری ہو چکی ہیں۔
ذرائع کا کہنا ہے کہ مریم نواز اور کیپٹن ریٹائرڈ محمد صفدر کی بریت سے نواز شریف کو عدالت سے بھرپور قانونی فائدہ ملنے کا امکان ہے،امکان ہے کہ متعلقہ ٹرائل کورٹ میں سرنڈر کرنے کے بعد عدالت نواز شریف کو اشتہاری قرار دینے کا فیصلہ معطل کر دے گی۔

یہ بھی پڑھیں: پی ٹی آئی چیئرمین کے نکاح سے متعلق نظرثانی درخواست ، وفاقی شرعی عدالت سے اہم خبرآ گئی