(24نیوز) بھارت کی مشہور ماڈل و اداکارہ اروشی روٹیلانے کرکٹ میں اپنا پسندیدہ کھلاڑی کا نام بتا دیا۔
بالی وڈ کی کئی فلموں میں اداکاری کے جوہر دکھانے والی ماڈل گرل اروشی تنازعات کے باعث ہمیشہ سے خبروں میں رہتی ہیں،کبھی وہ سیٹ پر زخمی ہوجاتی ہیں تو کبھی ان کی نازیبا ویڈیو لیک ہوجاتی ہے، وہ اداکاری کریں یا نہ کریں میڈیا کی ہیڈلائنز میں ان کا نام نظر ضرور آتا ہے،متحدہ عرب امارات میں بالی وڈ کے فلمی ایوارڈ آئیفا کی ایک تقریب کے دوران اروشی نے اپنے پسندیدہ پاکستانی کرکٹر کا نام بتایا۔
تقریب کے دوران بظاہر ایک پاکستانی جرنلسٹ نے اروشی سے پوچھا کہ پاکستانی ٹیم میں آپ کا کونسا فیورٹ کھلاڑی ہے؟ اس پر اروشی نے جواب دیتے ہوئے کہا کہ پاکستان ایک اچھی ٹیم ہے ، نسیم شاہ بہت اچھا کرکٹر ہے۔
واضح رہے اروشی ماضی میں بھی نسیم شاہ کی وجہ سے سوشل میڈیا پر ٹرینڈ میں رہ چکی ہیں،2023 میں اروشی نے ایشیا کپ میں پاک بھارت میچ کے آغاز سے قبل پاکستانی فاسٹ بولر نسیم شاہ کے ہمراہ پاکستانی سکواڈ کی تصویر شیئر کردی تھی۔
علاوہ ازیں اروشی نے نسیم شاہ کو سالگرہ اور اعزازی ڈی ایس پی بننے پر مبار کباد بھی دی تھی۔
یہ بھی پڑھیں: بھارت کا ٹیسٹ کرکٹ میں نیا عالمی ریکارڈ، تیز ترین 50 اور 100 رنز کا سنگ میل عبور کر لیا