(ویب ڈیسک) معروف بھارتی لوک گلوکارہ ویشالی بلسارا کی لاش ان کی گاڑی سے برآمد ہوئی۔
بھارتی میڈیا کے مطابق ویشالی بلسارا گجرات کے شہر ولساڑ میں اپنے شوہر کے ساتھ مقیم تھیں۔ وہ اپنی گاڑی میں گھر سے باہر گئی تھیں اور کافی وقت گزرنے کے بعد بھی واپس نا لوٹیں تو ان کے شوہر ہریش نے پولیس سے رابطہ کیا۔
یہ بھی پڑھیے: معروف اداکارہ نے خودکشی کرلی
پولیس کی کارروائی کے دوران ایک مضافاتی علاقے سے ویشالی کی لاش ان کی اپنی گاڑی سے ملی جبکہ پوسٹمارٹم سے پتہ چلا کہ ویشالی کو گلا گھونٹ کر قتل کیا گیا۔
پولیس حکام کا کہنا ہے کہ اس معاملے میں قتل، رقم کا لین دین یا گھریلو جھگڑے سمیت سب ہی پہلوؤں کا جائزہ لیا جائے گا۔